Amir Abdullahian, anëtar i Forcave Quds të Gardës Revolucionare të Iranit dhe asistent special për çështjet ndërkombëtare i kryetarit të Majlis (parlamentit), Ali Larijani
Raportim nga PMOI/MEK
Iran, 02 maj 2020—Regjimi i mullahëve që sundon Iranin është i xhindosur nga vendimi i Gjermanisë për ta etiketuar Hezbollah-un libanez si organizatë terroriste dhe e ka përshkruar në mënyrë qesharake këtë lëvizje si një “gabim strategjik.”
“Veprimi i Gjermanisë për ta etiketuar Hezbollah-un libanez si organizatë terroriste është një gabim strategjik. Hezbollah është një pjesë e rëndësishme e shoqërisë libaneze, një garantues i sigurisë dhe sovranitetit, dhe pjesë e qeverisë e parlamentit libanez,” tha Amir Abdullahian, një anëtar i Forcave Quds të Gardës Revolucionare (IRGC) dhe asistent special për çështjet ndërkombëtare i kryetarit të Majlis (parlamentit) të regjimit, Ali Larijani, për agjencinë e lajmeve Fars, e cila është e lidhur me IRGC-në, të enjten, më 30 prill. “Fakti që Gjermania po ndjek shembullin e politikave të ndyra që kanë interesat e veta në rajon do ta vërë Berlinin në rrezik,” kërcënoi ai.
