Sot, në faljen e të premtes në qytete të ndryshme anembanë Iranit, në përpjekje për të ngritur moralin e ndjekësve gjithnjë e më të paktë, përfaqësuesit e Udhëheqësit Suprem zbuluan frikën e tyre nga kryengritja popullore.
Gjatë faljes së të premtes, Saeed Hosseini, përfaqësuesi i Udhëheqësit Suprem në Kashan tha: “Armiku dhe “Arroganca globale” (termi i regjimit për njollosjen e Perëndimit) me ndihmën e disa prej marionetave të tyre, organizuan rebelim që as nuk i afrohej një proteste, më tepër kishte të bënte me kryengritje dhe kaos. Aktiviteti mediatik i armikut gjatë rebelimit të fundit ishte 10 herë më i madh se gjatë rebelimit të vitit 2009”.
Ali Khatami, përfaqësuesi i Khameneit në Zanjan, tha para të pranishmëve gjatë faljes së të premtes: “Përmasat e mbulimit mediatik të kësaj çështjeje (protestave) tregonin se ishte e planifikuar paraprakisht dhe ata mendonin se ky rebelim ishte më i fortë se kryengritjet e viteve 1998, 2009, 2018 dhe 2019.”
Mohammad Ebadizadeh, përfaqësuesi i Khameneit në Bandar Abbas, tha: “Rebelët u formuan në tre grupe. Grupi i parë ishin grupe të organizuara të hipokritëve (termi i regjimit për të njollosur MEK-un). Grupi i dytë ishin banditë dhe kriminelë që nuk kanë origjinalitet intelektual dhe thjesht hyjnë në terren për të shfrytëzuar hapësirën. Grupi i tretë u formua gjithashtu nga një numër adoleshentësh emocionalë.”