Ushtria Amerikane i Dëboi Hakerët Iranianë nga Uebsajtet e Bashkive që Raportuan Rezultate Jozyrtare të Zgjedhjeve në Vitin 2020
Hakerët iranianë aksesuan një uebsajt amerikan bashkie për të raportuar rezultate jozyrtare të zgjedhjeve në vitin 2020, por u dëbuan nga rrjeti nga hakerat ushtarakë amerikanë dhe nuk patën ndonjë ndikim në votim, tha të hënën një gjeneral i lartë amerikan.
Nuk ekzistonte rreziku që numri i votave të mund të ndryshonte, sepse faqet e tilla të natës për zgjedhjet raportojnë të dhëna paraprake dhe jo rezultate të çertifikuara të votimit. Por zyrtarët amerikanë ishin të shqetësuar se hakerët mund të përdornin aksesin e tyre në uebsajt për të mashtruar publikun duke postuar rezultate të rreme.
“Shqetësimi ynë i përhershëm është se një lloj shpifjeje në internet … natën e zgjedhjeve mund të bëjë të duket sikur vota është manipuluar kur kjo gjë nuk është absolutisht e vërtetë,” tha gjeneralmajor Ëilliam Hartman, kreu i Forcës së Misionit Kombëtar Kibernetik të Komandës Kibernetike të SHBA-së, në konferencën RSA të sigurisë kibernetike në San Francisko.
Turistja Vritet në Iran Sepse Nuk Mbante Hixhab
Agjentët e forcave Basij kanë vrarë së fundmi një turiste në kopshtin Shazdeh Mahan në Kerman, Iran. Arsyeja e këtij akti brutal ishte vendimi i turistes për të mos mbajtur hixhab në publik. Situata u përshkallëzua shpejt pasi njerëzit u zemëruan dhe filluan të gjuanin me gurë autobusin që transportonte agjentët e forcave Basij. Mediat shtetërore kanë raportuar incidentin, duke deklaruar se agjentët e forcave Basij kishin paralajmëruar disa vizitorë për rregullin e detyrueshëm të hixhabit përpara se të ndodhte sherri. Si pasojë e përplasjes që pasoi, një 60-vjeçare ka pësuar atak kardiak dhe ka ndërruar jetë në spital. (shtetërorja Rouydad24.ir, 23 prill 2023)