Protestat e Solidaritetit të Abadanit në Masjed Soleyman dhe Kazerun me parullat “Turp për liderin (Khamenei)”
“Ne jemi të gjithë luftëtarë, le të luftojmë dhe do të luftojmë”, “Unë do të vras, kushdo që vrau vëllanë tim”, “Basiji, humbi” Teatri i regjimit në Abadan dështoi.
Të dielën mbrëma, banorët e Abadanit ndërprenë dhe e kthyen një ceremoni zie qesharake të organizuar nga regjimi në një protestë , ne te cilen tallnin agjentët e pranishëm në skenë ndërsa brohoritnin, -turp për ju.
Për të kundërshtuar urrejtjen dhe neverinë e përhapur në mbarë vendin pas tragjedisë së shkaktuar nga shembja e ndërtesës dhjetëkatëshe, Metropole në Abadan, pas një vonese gjashtëditore, të dielën, regjimi klerik organizoi ceremoni publike zie në qytete të ndryshme, përfshirë Abadanin. Megjithatë, njerëzit trima të Abadanit ndërprenë shfaqjen dhe vazhduan protestat dhe mitingjet e tyre duke bërë homazhe për të dashurit e tyre. Delegacione të mëdha njerëzish nga Shadegan dhe Mahshahr shkuan në Abadan për të shprehur simpatinë e tyre dhe marshuan në protestë kundër korrupsionit dhe krimeve të regjimit.
Të dielën mbrëma, njerëzit e Masjed Soleyman dhe Kazerun demonstruan gjithashtu në mbështetje të Abadanit dhe u përballën me forcat represive të regjimit.
Protesta në Abadan vazhdoi për natën e shtatë radhazi dhe protestuesit brohorisnin: “Ne jemi të gjithë luftëtarë, le të luftojmë dhe do të kundërpërgjigjemi”, “Unë do të vras, kushdo që vrau vëllain tim” dhe “Basiji, humbi”. Forcat represive hodhën gaz lotsjellës mbi popullin dhe gjuajtën me armë gjahu, duke plagosur shumë protestues.
Ditët e fundit, në vend të dërgimit të ekipeve të shpëtimit dhe ndihmës, regjimi ka dërguar banditët e Basij dhe njësitë speciale në Abadan dhe qytete të tjera protestuese dhe ka ngadalësuar ose mbyllur internetin për të shuar kryengritjet. Sipas të përditshmes shtetërore, Entekhab, më 28 maj 2022, komandanti i Njësive Speciale të IRGC-së, Brig. Gjenerali Hassan Karami, me paturpësi pohoi, -Prania e Njësive Speciale ka për qëllim vetëm t’i ofrojë rehati dhe siguri popullit revolucionar të Abadanit për të ndihmuar të plagosurit.
Në të njëjtën ditë, sipas një të përditshmeje tjetër shtetërore, Arman, Mohammad Mokhber, zëvendësi i parë i Ebrahim Raisi, në mënyrë të pashmangshme pranoi: -Ka pasur korrupsion të hapur mes ndërtuesit, kontraktorit, mbikëqyrësit dhe organeve të licencimit, në rastin e metropolit. . Jalal Rashidi Kouchi, një deputet i parlamentit të regjimit, gjithashtu pranoi se -bashkia e Abadan ishte bashkëpronar i metropolit dhe kishte një konflikt interesi. Ata e ndryshuan licencën nga katër në 10 kate.
Të shtunën në mbrëmje, më 28 maj, protesta u mbajtën edhe në Teheran dhe në shumë qytete të tjera, duke përfshirë Andimeshk, Shahr-e-Rey, Qom, Ahvaz (Malashie), Behbahan, Susangard dhe Shush. Banorët e zemëruar dolën në rrugë dhe brohoritën Abadani nuk është vetëm, ngushëllime për Abadanin”, Khamenei është një vrasës, sundimi i tij është i paligjshëm dhe vdekje diktatorit.
Zonja Maryam Rajavi, Presidentja e zgjedhur e Këshillit Kombëtar të Rezistencës së Iranit (NCRI), përshëndeti rezistencën heroike të popullit të Abadanit dhe tha:- vazhdimi i kryengritjes së Abadanit përballë plumbave dhe gazit lotsjellës manifeston tërbimin e kombit iranian kundër mullahëve. Sot, Abadani është zemra e Iranit dhe qytetet ngrihen për ta mbrojtur atë njëri pas tjetrit.