Pensionistët iranianë u mblodhën sot në 16 qytete në një përpjekje të organizuar për të shprehur ankesat e tyre ekonomike dhe për të kërkuar pensione më të larta.
Pensionistët u grumbulluan jashtë ndërtesës së Organizatës së Sigurimeve Shoqërore në kryeqytetin Teheran dhe në 15 qytete të tjera, duke përfshirë Alborz pranë kryeqytetit, në provincën qendrore Isfahan, në provincat perëndimore Kurdistan dhe Lorestan, provincat veri-perëndimore Qazvin, Azerbaixhan Lindor dhe Hamedan, provincën veri-lindore Razavi Khorasan, dhe provincat jug-perëndimore Khuzestan dhe Fars.
Pensionistët iranianë kërkuan rroga të balancuara, pagesën e borxhit qeveritar tek Organizata e Sigurimeve Shoqërore dhe një rritje të pensioneve për të mbuluar kostot e jetesës. Protestuesit mbanin pankarta ku kritikohej qeveria për pensionet që janë nën pragun e varfërisë.