Sipas raporteve të fundit, protestuesit në të paktën 282 qytete në të gjithë 31 provincat e Iranit kanë dalë në rrugë për 195 ditë deri tani duke kërkuar të përmbysin regjimin e mullahëve. Mbi 750 protestues janë vrarë nga forcat e sigurisë së regjimit dhe të paktën 30,000 të tjerë janë arrestuar, sipas burimeve të lidhura me opozitën iraniane PMOI/MEK.
Kryengritja mbarëkombëtare e Iranit shënon ditën e saj të 195-të të mërkurën pas shumë mitingjeve nga mësuesit në të gjithë vendin të martën. Në shumë qytete të Iranit mësuesit u mblodhën jashtë departamenteve lokale të arsimit duke protestuar ndaj kushteve të këqija ekonomike, pagave të ulëta dhe kushteve të papërshtatshme të punës. Mësuesit protestues kërkuan lirimin e kolegëve të tyre të burgosur padrejtësisht.
Njerëzit në të gjithë vendin po e mbajnë në mënyrë specifike udhëheqësin suprem të mullahëve Ali Khamenei përgjegjës për mjerimet e tyre, ndërsa dënojnë gjithashtu forcat represive të Gardës Revolucionare Islamike (IRGC) dhe njësive paramilitare Basij, së bashku me njësitë e tjera të sigurisë që janë në terren duke shtypur demonstruesit paqësorë.
Njësitë e Rezistencës të MEK organizuan marshime ditët e fundit dhe filluan të thërrasin slogane kundër regjimit në Teheran dhe qytete të tjera, duke përfshirë Mashhad, Shiraz, Shahrekord dhe Kashan. Në sloganet e tyre përfshihen:
“Poshtë Khamenei! Rroftë Rajavi!”
“Bota duhet ta dijë se Massoud (Rajavi) është udhëheqësi ynë. Ushtria Nacional Çlirimtare e Iranit është përgjigjja jonë përfundimtare.”
“Poshtë tiranit, qoftë Shahu apo [Khamenei]!”
“Liria do të vendoset me moton ‘Ne mundemi dhe ne duhet’!”
“Demokraci dhe barazi me Maryam Rajavin!”
“Jo monarkisë! Jo [regjimit të mullahëve]! Demokraci dhe barazi!”
“Varfëri-Korrupsion-Çmime të larta! Ne do ta përmbysim regjimin!”
Njësitë e Rezistencës të MEK marshojnë gjithashtu në qytetin e Kashanit, në Iranin jug-qendror, duke thirrur: “Ne jemi MEK dhe po luftojmë kundër mullahëve! Poshtë tiranit, qoftë Shahu apo [Khamenei]!”
