Thursday, March 28, 2024

Iran: Dita e pestë e protestave kundër regjimit të shkaktuara nga çmimet e larta të ushqimeve

Pavarësisht perpjekjeve per shtypjen e kryengritjeve protestat masive  po vazhdojnë në të gjithë Iranin pas një rritjeje te fundit të çmimeve të produkteve ushqimore.

Të dielën, më 15 maj, njerëzit në disa qytete iraniane dolën në rrugë për të pestën ditë radhazi të protestave kundër regjimit. Këto protesta po vazhdojnë pavarësisht masave intensive të sigurisë dhe lidhjes së kufizuar të internetit.

Protestat nisën për shkak të rritjes së papritur të çmimit të ushqimeve dhe mallrave të tjera bazë, por shpejt janë kthyer në protesta kundër regjimit me thirrje për ndryshim regjimi.

Në Shahrekord, provincën Charmahal dhe Bakhtiari, protestuesit bërtisnin “Vdekje Ebrahim Raisi“, presidenti i regjimit dhe “Vdekje  Ali  Khamenei”, udhëheqësi suprem i regjimit.

Në Sureshjan, provincën Charmahal dhe Bakhtiari, forcat kundër trazirave u dërguan për të shpërndarë turmën dhe arrestuar protestuesit. Njerëzit qëndruan në këmbë dhe brohorisnin: “Mos kini frikë, ne jemi bashkë.

Të rinj sfidues u mblodhën gjithashtu në rrugët e qytetit  Nahavand, në Iranin perëndimor, duke brohoritur parulla kundër regjimit, pavarësisht pranisë së madhe të njësive kundër trazirave.

Ditët e fundit, populli ka treguar rezistencë të madhe ndaj forcave represive të regjimit. Në disa qytete, protestuesit iu përgjigjën goditjes duke sulmuar dhe pushtuar selinë lokale të Basij, krahu paraushtarak i Gardës Revolucionare (IRGC) që ka për detyrë të shtypë protestat.

Raportet tregojnë se regjimi ka rritur praninë e sigurisë në qytete të ndryshme për të parandaluar marrjen e formës së tubimeve.

Forcat e sigurisë kanë vrarë disa protestues ditët e fundit. Shumë të tjerë janë plagosur dhe arrestuar. Një video e së shtunës mbrëma tregon një burrë të plagosur për vdekje pasi u qëllua nga forcat e sigurisë.

Raportime të ndryshme për viktima ka edhe në qytetet ku protestat po vazhdojnë prej disa ditësh, veçanërisht në provincën Çaharmahal dhe Bakhtiari.

Regjimi po merr masa ekstreme për të parandaluar përhapjen e lajmeve për protestat. Përveç ndërprerjes së aksesit në internet, qeveria ka dhënë udhëzime për degë dhe institucione të ndryshme për të ndihmuar në censurimin e lajmeve të protestave.

Sipas raporteve të ndryshme, Ministria e Inteligjencës dhe Sigurisë (MOIS) ka udhëzuar mediat që të shmangin raportimin e protestave dhe madje të përdorin terma si “kirurgji ekonomike”, “përgjigje e dhunshme” dhe “mitingje”.