Në tregimin e tij të shkurtër, “Dhurata e magjistarëve”, O. Henry tregon historinë e një gruaje që shiti flokët e saj për 20 dollarë për të blerë një dhuratë për Krishtlindje për burrin e saj. Nën regjimin e mullahëve, në Iran, gratë duhet të shesin flokët e tyre për gati 30 dollarë për të mbijetuar.
Media shtetërore e Iranit ka pranuar se gratë dhe vajzat iraniane shesin flokët e tyre për të mbuluar shpenzimet e tyre për shkak të krizës ekonomike të vendit.
“Shumica e klientëve të mi shesin flokët për shkak të problemeve të tyre financiare. Ata më thonë: “Shkurto sa të duash por na jep më shumë para”, thotë një berber iranian, duke hedhur dritë mbi këtë tragjedi, sipas të përditshmes shtetërore Khorasan më 22 dhjetor 2021.
Parukeritë e grave janë të mbushura me reklamën “Ne blejmë flokët tuaj”. Shitësit gjithashtu lënë njoftimet e tyre në mure.
“I shita flokët për të mbuluar shpenzimet e jetesës. Kur pashë reklamën vendosa të shes flokët. I doja flokët, por nuk kisha zgjidhje tjetër,” citon Zahra-n e drejtuara shtetërore Tejarat-news, e cila i shiti flokët e saj 50 cm për 10 milionë rialë ose 33 dollarë (me kursin e këmbimit të dollarit në tregun e lirë.)
“Për t’u regjistruar në një klasë për punën time, më duhej të shisja flokët. Burri im nuk ishte dakord me mua, por unë kisha nevojë për para dhe nuk kisha zgjidhje tjetër”, citoi Tejarat-news një grua tjetër.
Në prill 2021, një berber i tha agjencisë shtetërore Khabar-Online se çmimi i flokëve nuk do të kalonte 10 milionë rialë. “Gratë i duan flokët e tyre; i shesin sepse kanë nevojë për para”, tha ajo.
Shitja e flokëve nuk kufizohet vetëm tek femrat e reja apo të moshës së mesme. Edhe vajzat adoleshente dhe fëmijët deri në dhjetë vjeç shesin flokët e tyre.
“Një vajzë dhjetëvjeçare shiti flokët e saj për të blerë një celular. Një grua në moshë të mesme shiti flokët e saj për të paguar medikamentet e burrit të saj, i cili tani është invalid pasi ra nga një ndërtesë. Një tjetër kliente 21-vjeçare shiti flokët e saj për të paguar këstet e pajës së motrave të saj. Dhe një vajzë adoleshente shiti flokët e saj për t’u regjistruar në shkollën e mesme”, shkruante e përditshmja Khorasan më 22 dhjetor.
Një grua që shiste flokët e vajzave të saj tha për Tejarat-news: “Ne kemi nevojë të dëshpëruar për një celular tjetër [për të ndjekur mësimet online]. Tre vajzat e mia duhet të ndajnë një celular, dhe kjo nuk është e mundur. Unë i shes flokët e tyre për 40 milionë rialë [afërsisht 40 dollarë].”
Në vende të tjera, shitja e flokëve është një biznes luksoz. Në Shtetet e Bashkuara, gratë shesin flokët e tyre ndonjëherë deri në mijëra dollarë. Por në Iran, pavarësisht nga burimet e mëdha natyrore të vendit, gratë duhet të shesin flokët e tyre për të fituar bukën e tyre.
