Shtetet e Bashkuara kanë vënë sanksione mbi 18 banka të regjimit iranian të enjten. Si përgjigje, presidenti i regjimit Hassan Rouhani dhe shumë nga apologjetët e regjimit po flasin për presion ekonomik mbi regjimin iranian. Por kush është ai që vuan nga sanksionet: populli i Iranit apo regjimi terrorist i mullahëve?

Regjimi e ka privuar popullin iranian nga të drejtat bazë. Korrupsioni i institucionalizuar i mullahëve dhe plaçkitja e pasurisë kombëtare e kanë zhytur popullin iranian edhe më thellë në moçalin e varfërisë. Megjithatë, regjimi përpiqet t’ua vërë fajin sanksioneve për problemet ekonomike të Iranit. Kryengritja e popullit iranian, e cila filloi për shkak të problemeve shoqërore dhe ekonomike, ishte rezultat i drejtpërdrejtë i politikave të gabuara ekonomike të regjimit.
Përgjigjja kontradiktore e Rouhani-t ndaj sanksioneve ishte pretendimi i tij ditët e fundit se ekonomia e vendit po shkon edhe më mirë se ajo e Gjermanisë.