Friday, January 27, 2023

Rezistenca iraniane përshëndet zgjatjen e Mandatit të Raportuesit Special të OKB-së

 NCRI, nënvizon nevojën për referimin e krimeve të regjimit në Këshillin e Sigurimit

 

Rezistenca iraniane përshëndet me forcë shtimin e mandatit të Raportuesit Special të OKB-së mbi situatën e të drejtave të njeriut në Iran.

Ndërsa përkujton raportuesin e ndjerë të posaçëm, Asma Jahangir, Rezistenca iraniane bën thirrje për formimin e një komisioni hetimor të Kombeve të Bashkuara mbi krimet e regjimit të mullahëve, veçanërisht masakrën e të burgosurve politikë të vitit 1988 dhe referimin e kësaj dosjeje Këshillit të Sigurimit dhe duke i vendosur autorët e saj para drejtësisë. Në raportet e saj, znj. Jahangir kishte theksuar nevojën për një hetim gjithëpërfshirës dhe të paanshëm për masakrën e vitit 1988. Të premten, më 23 Mars 2018, pavarësisht përpjekjeve të fashizmit fetar që sundon Iranin dhe disa prej vendeve që shkelin të drejtat e njeriut, Këshilli i Kombeve të Bashkuara për të Drejtat e Njeriut miratoi një rezolutë mbi mandatin e Raportuesit Special të Iranit. Duke rikujtuar rezolutat mbi dënimin e regjimit të mullahëve në Këshill dhe Asamblenë e Përgjithshme dhe mungesën e bashkëpunimit të regjimit me kërkesat e këtyre rezolutave, rezoluta e mirëpriti raportin dhe rekomandimet e Raportuesit Special dhe shprehu shqetësimin e tij të madh për shkeljet të përmendura në raport dhe refuzimin për të lejuar Raportuesin Special të udhëtojë në Iran. Heshtja dhe pasiviteti përpara regjimit iranian, i cili është në ballë të abuzuesve të të drejtave të njeriut në botë sot dhe i cili vazhdimisht shkel rezolutat e Kombeve të Bashkuara, është një shpërfillje për standardet universale të të drejtave të njeriut dhe kriteret që përbëjnë filozofinë e ekzistencës së Kombeve të Bashkuara.

 

Sekretariati i Këshillit Kombëtar të Rezistencës së Iranit 23 mars 2018