Sunday, January 29, 2023

Pavarësisht Masave Shtypëse, Një Mizëri Njerëzish nga Mbarë Irani Mblidhet në Pasargad

 

Forcat shtypëse bllokojnë rrugët, arrestojnë të rinj të shumte dhe konfiskojnë automjetet

Pavarësisht masave shtypëse nga regjimi i mullahëve, turma të tëra njerëzish nga qytetet dhe provincat iraniane u grumbulluan në Pasargad më 29 tetor për të përkujtuar Kirin e Madh. Të dielën në mbrëmje e të hënën në mëngjes, kishte trafik të dendur, sidomos në rrugët që të çonin në Pasargad, në Provincën Fars.

Të frikësuar nga një protestë e mundshme, forcat shtypëse kishin marrë masa që disa ditë më përpara për të mos lejuar protesta. Përveç policisë dhe asaj sekrete, Garda Revolucionare qëndronte në gatishmëri në Provincën Fars e në qytetet përreth.

Që nga mbasditja e së dielës, rrugët për në Pasargad ishin të bllokuara, dhe forcat shtypëse që ishin stacionuar aty, i kthenin mbrapsht automjetet që kishin ardhur nga provincat e tjera. Disa njerëz shkonin drejt Pasargad më këmbë duke i rënë rreth e rrotull ose përmes shtigjeve malore.

Policia në Pasargad u kishte dhënë vendasve lejekalime për automjetet e tyre dhe u kishte thënë që nuk do të lejoheshin të udhëtonin nëpër qytet pa lejekalim. Disa nga njerëzit që po udhëtonin drejt Pasargad u arrestuan nga forcat shtypëse, dhe disa automjete u konfiskuan.

Në përpjekje për të parandaluar një tubim të mundshëm, Garda Revolucionare kishte shpallur që dy javë më parë se do të bënin stërvitje në Zarqan (Provinca Fars) gjatë periudhës 27-30 tetor, dhe kishin informuar spitalet e rajonit, përfshirë ato në Pasargad, që të përgatiteshin për të marrë njerëz të plagosur.

Sekretariati i Këshillit Kombëtar të Rezistencës së Iranit
29 tetor 2018