Komiteti britanik për lirinë e Iranit (BCFIF) lëshoi një deklaratë për shtyp pas konferencës së tij në parlament sot para festimit të Ditës Ndërkombëtare të Gruas. Një pjesë e komunikatës për shtyp thotë:
Në prag të Ditës Ndërkombëtare të Gruas, të martën, më 27 shkurt 2018, anëtarë të partive të ndryshme nga të dyja Dhomat e Parlamentit morën pjesë në një konferencë të titulluar “Kryengritja e Iranit: Gratë forca drejtuese për ndryshim”.
Aktivistë të shquar britanikë për të drejtat e grave, akademikë dhe përfaqësues të shoqatave të ndryshme anglo-iraniane iu bashkuan parlamentarëve.
Folësit i kërkuan qeverisë të punojë me aleatët në OKB dhe BE për të ushtruar presion ndaj regjimit iranian, duke përfshirë masa ndëshkuese, për të liruar menjëherë të gjithë të burgosurit politikë, veçanërisht aktivistet femra, Maryam Akbar Monfared, Atena Daemi dhe Golrokh Ebrahimi Iraee dhe mijëra protestues të cilët janë arrestuar që kur më 28 dhjetor filluan protestat mbarëkombëtare.
Folësit gjithashtu kritikuan pjesëmarrjen e ministrit të drejtësisë së Iranit Ali-reza Avaee në seancën e sotme të Këshillit të të Drejtave të Njeriut të OKB-së në Gjenevë. Ai është një nga autorët e masakrës së vitit 1988 në Iran dhe është sanksionuar nga BE dhe Britania e Madhe që nga viti 2011 për shkelje të rënda të të drejtave të njeriut.
Në fjalën e saj të hapjes, deputetja Theresa Villiers tha: “Qëllimi ynë në këtë mëngjes është të bashkohemi për të shprehur solidaritetin dhe mbështetjen tonë për gratë e guximshme të Iranit që po sfidojnë regjimin shtypës teokratik në vendin e tyre”.
“Në Iran, gratë që janë ngritur kundër mullahëve kanë një model në udhëheqësen e opozitës iraniane, znj. Maryam Rajavi”, shtoi ish-Sekretarja e Shtetit për Irlandën e Veriut, e cila bashkë-kryesoi konferencën.
Në një mesazh video, Presidentja e zgjedhur e Këshillit Kombëtar të Rezistencës së Iranit (NCRI), zonja Maryam Rajavi, tha, “… Gratë dhe të rinjtë shtypen brutalisht. Sipas zyrtarëve të regjimit iranian, të paktën 2,000 gra janë arrestuar në rrugë çdo ditë për mos respektimin e mbulimit të detyrueshme. Mbi 80 gra janë ekzekutuar nën presidentin Hassan Rouhani. Ky është personi që mban maskën e moderimit “.
“Përkundër gjithë kësaj, gratë iraniane dhe të rinjtë kanë qenë në gjendje ta shtrijnë kryengritjen në 142 qytete. Ata kanë një rol themelor në zgjerimin e protestave dhe grevave. Situata në Iran po kthehet kundër mullahëve “, shtoi ajo.
“Ata duan një republikë të bazuar në ndarjen e fesë dhe shtetit. Ata kërkojnë vendosjen e lirisë, demokracisë dhe barazisë së grave … Unë do të doja t’i nxisja anëtarët e Dhomave të Parlamentit britanik t’i mbështesin këto kërkesa “, duke përsëritur dëshirën e popullit iranian për ndryshime demokratike.
