Sunday, January 29, 2023

Mbështetësit e PMOI/MEK, duke Punuar për Tubimin e Ardhshëm “Irani i Lirë” në Paris më 30 Qershor

Mbështetësit e Organizatës Muxhahedine të Popullit të Iranit (PMOI/MEK) dhe të Këshillit Kombëtar të Rezistencës së Iranit (NCRI), nga qytete të ndryshme të Skocisë (p.sh., Glasgow dhe Edinburgh) dhe Anglisë (p.sh., Newcastle verior, Manchester, Birmingham, London, dhe qytete jugore), po ndërmarrin veprimtari të gjera për tubimin e ardhshëm në Paris. Që nga organizimi i ekspozitave të librave e deri te protestat, ata po bëjnë të pamundurën për të demaskuar regjimin e Iranit.

Në thelb, këta njerëz janë duke mbështetur popullin e Iranit i cili po bën thirrje për ndryshim në protestat e tij të vazhdueshme; është merita e këtyre mbështetësve që disa nga emrat më të mëdhenj nga Parlamenti i Anglisë, Gjykata (duke përfshirë disa avokatë të lartë), Unioni i Punëtorëve, Shoqatat e të Drejtave të Njeriut dhe të të Drejtave të Grave, do të marrin pjesë në tubimin e ardhshëm më 30 qershor.

200 Parlamentarë Anglezë mbështesin tubimin “Irani i Lirë”

Deri tani, janë lëshuar disa deklarata nga parlamenti i Anglisë kundër regjimit iranian; deklarata më e fundit, e cila mbështet tubimin e ardhshëm në Paris, është firmosur nga më shumë se 200 parlamentarë që përfaqësojnë Dhomën e Komunave, Dhomën e Lordëve, dhe disa klasa të tjera të Mbretërisë së Bashkuar. 

Në këtë deklaratë, parlamentarët tregojnë mbështetjen e tyre të fortë për kryengritjen e popullit të Iranit i cili bën thirrje për një vend të lirë e demokratik; anëtarët mbështesin gjithashtu edhe planin me 10 pika të kreut të NCRI, Maryam Rajavi.

Përveç kësaj deklarate, është bërë edhe një tjetër nga dhjetëra parlamentarë të cilët shprehin solidaritetin e tyre me iranianët. Kjo deklaratë kërkon që Trupat e Gardës Revolucionare të shtohen në listën e terroristëve të Anglisë.