Thursday, February 2, 2023

Legjislacioni i miratuar për sanksionimin e regjimit klerikal për raketën balistike, një hap i domosdoshëm për t’u përballur me terrorizmin

 Rezistenca iraniane mirëpret miratimin e legjislacionit nga Dhoma e Përfaqësuesve të SH.B.A.-së për të imponuar sanksione të mëtejshme kundër regjimit klerikal dhe zyrtarëve të tij të lartë për prodhimin dhe përhapjen e raketave balistike dhe e sheh atë si një hap të domosdoshëm ndaj politikave luftarake dhe terroriste të regjimit .

Programi i raketave i mullahëve, i cili kontrollohet plotësisht nga IRGC, ka si objektiv të vetëm vazhdimin e hostilitetit dhe ndërhyrjen e mëtejshme të mullahave në rajon. Regjimi klerikal ka harxhuar një buxhet të konsiderueshëm për këtë program, ndërkohë që shumica e popullsisë iraniane jeton nën kufirin e varfërisë. Ky program është vetëm për mbijetesën e regjimit dhe është kundër interesave kryesore të popullit iranian.

Regjimi klerikal po shpenzon miliarda dollarë në programin e tij të raketave, ndërkohë që qytetet iraniane kanë qenë skena të protestave të popullsisë së indinjuar, pasuria e të cilëve është plaçkitur nga IRGC dhe subjekte të tjera represive, ose pagat e tyre minimale nuk janë paguar për disa muaj. Protestuesit këndojnë, “harrojeni Sirinë, mendoni për ne”.