Monday, February 6, 2023

Irani: Protesta të shumta kundër regjimit klerikal në ditën e studentëve

Për të përkujtuar Ditën e Studentit, në ditët e fundit, universitete të ndryshme në Iran u bënë skena të protestave të studentëve kundër regjimit të mullahëve. Regjimi anti-studentor i mullahëve e shpalli të enjten, 7 dhjetor, si ditë feste në mënyrë që të parandalonte përhapjen e protestave të studentëve.

Studentët e Universitetit të Industrisë së Naftës të Abadanit më 7 dhjetor vazhduan grevën e urisë në shenjë proteste ndaj dështimit të zyrtarëve qeveritarë për t’u përgjigjur kërkesave dhe protestave të studentëve.

Më 5 dhjetor, Universiteti Sharif i Teknologjisë në Teheran, Universiteti Melli (Beheshti) dhe Universiteti i Qomit dhe Universiteti i Neyshaburit organizuan tubime proteste studentore me sloganin “Të lirohen të burgosur politikë”.

Në sallën Ferdowsi të Universitetit të Teheranit, studentët ndërprenë fjalimin e një zyrtari të regjimit me parulla “Universiteti nuk është garnizon” dhe “Universiteti është burg, burgjet janë garnizonë”. Në Universitetin e Qomit, studentët u larguan nga salla gjatë një fjalimi të një anëtari të parlamentit të regjimit, duke prishur takimin.