Në fundjavë, një zëdhënës i gjykatës së Iranit tha se forcat e sigurisë së vendit do të përballen me trazirat publike që kanë qenë duke zier për disa muaj.
Në javët e fundit ka patur protesta të vazhdueshme në lidhje me ligjet dhe të drejtat e punëtorëve. Midis atyre që kanë dalë në rrugë janë shoferët e kamionëve dhe mësuesit. Këto protesta e kanë marrë shkëndijën pa dyshim nga pasiguria për të ardhmen që lidhet me sanksionet ekonomike të SHBA që me shumë mundësi do të vijnë sërish në fuqi.
Pak javë më parë, u raportua që të paktën dy individë kishin vdekur pas një zjarri në një stacion policie.
Në fund të vitit të shkuar, një numër i madh njerëzish në Iran dolën në rrugë për të protestuar situatën e keqe ekonomike që ishte provokuar nga keqmenaxhimi i burimeve nga regjimi dhe nga korrupsioni që gjendet në të gjitha nivelet e lidershipit. Pas kësaj vijuan demonstrata anti-qeveritare dhe u bë e qartë se sa e përhapur është pakënaqësia shoqërore.
Autoritetet iraniane u përpoqën të shtypin popullin dhe iu kthyen dhunës fizike, arrestimeve masive dhe të qëlluarit me armë ndaj protestuesve të paarmatosur. Një numër njerëzish humbën jetën gjatë protestave apo pas tyre.