Saturday, January 28, 2023

Iran: Prioritet i Mullahëve është të mbulojë përmasat e katastrofës dhe të parandalojë protestat popullore në zonat e tërmetit

Regjimi klerikal dhe zyrtarët e tij kriminalë, pa i kushtuar vëmendje dhimbjes së të varfërve dhe të pastrehëve, është përpjekur të mbulojnë përmasat e fatkeqësisë dhe, nga ana tjetër, të shtypë formimin e protestave sociale dhe zemërimin dhe indinjatën popullore me masa represive.

Menjëherë pas tërmetit, Khamenei dërgoi komandantin e IRGC-së Mohammad Ali Jafarin dhe zëvendëskomandantin e Basijit Ali Fazlin në zonat e tërmeteve. Në vend që të dërgojnë helikopterë ndihmës dhe të shpërndajë forca për të ndihmuar njerëzit, Garda Revolucionare dhe forcat represive kanë dërguar një kolonë automjetesh të njësive anti-rebelim dhe motoçikleta të IRGC në këtë zonë, gjë që shkaktoi zemërim dhe indinjatë mes njerëzve. Sipas dëshmitarëve okularë, IRGC nuk ka luajtur asnjë rol për të ndihmuar njerëzit, dhe misioni i saj i vetëm është të parandalojë protestat popullore.

Kontradiktat në raportet e mediave të ndryshme të regjimit tregojnë qartë se si regjimi i mbulon faktet. Ndërkohë që autoritetet e regjimit raportojnë se 60 deri 100 për qind e shumë qyteteve dhe fshatrave janë shkatërruar në zonë (Tasneem-14nëntor) dhe 100 për qind e 12,000 njësive rezidenciale janë shkatërruar, burimet qeveritare kanë raportuar se numri i të vdekurve është 530. Kjo shifër nuk përputhet fare me shkallën e shkatërrimit. Raportet e njerëzve nga qytetet dhe fshatrat e zonës tregojnë se numri i të vdekurve është shumë më i lartë. Ndërsa mediat kanë raportuar se 60 për qind e qytetit të Sar-e-Pul Zahab është groposur nën tokë dhe banorët e saj kanë mbetur nën rrënoja, kreu i Organizatës së Shpëtimit të Shoqatës së Gjysmëhënës së Kuqe thotë, “Vështirë që dikush të jetë mbetur nën rrënoja”.