Monday, February 6, 2023

Iran: Ekzekutimi i 21 të burgosurve, duke përfshirë një grua dhe dy ekzekutime në publik

5 korrik 2017

Fshikullimi i një të riu në publik

NCRI- Regjimi anti-human i mullahëve ekzekutoi me varje 21 njerëz gjatë periudhës 1-5 korrik. Të paktën shtatë të burgosur u varën më 5 korrik në burgun e Gohardasht në Karaj. Një numër i burgosurish u ekzekutua në bazë të rrëfimeve që ju ishin marrë me forcë nën torturë. Grumbullimi i familjeve të ekzekutuara në një protestë kundër ekzekutimit të fëmijëve dhe të afërmve të tyre jashtë burgut të Gohardashtit, u sulmua nga forcat represive. Agjentët e policisë u përpoqën t’i shpërndanin familjet e viktimave duke qëlluar në ajër.

Më 4 korrik, u varën gjashtë të burgosur. Dy të burgosur, 24 dhe 27 vjeç, u ekzekutuan në publik në Rrugën Abshar në Torbat-e-Heidarieh në provincën Khorasan-e-Razavi. Omid Rajabi, zëvendësprokurori i përgjithshëm i Torbat-e-Heydarieh, kërcënoi se “gjyqësori do ti ekzekutojë vendimet padyshim dhe do t’i trajtojë anarkistët me zero tolerancë “. Një djalë 24-vjeçar u ekzekutua në burgun qendror të Kermanit, dy të burgosur në burgun qendror të Orumieh dhe një tjetër i burgosur në burgun e Qa’emshahrit.

Një ditë më parë, katër të burgosur u varën në Isfahan dhe Zahedan. Më 2 korrik, një i burgosur 38-vjeçar i martuar, u var në burgun qendror të Zanjanit. Në 1 korrik, tre të burgosur, përfshirë një grua, u varën në burgun qendror të Rashtit.

Në një rast tjetër, më 3 korrik, një 30-vjeçar i burgosur u godit 74 herë me kamzhik në rrugën Khayyam në Malayer, Provinca Hamedan.

Khamenei, udhëheqësi suprem i regjimit të mullahëve, në mbrojtje të të gjitha represioneve dhe krimeve të tilla, e quajti udhëheqësin e gjyqësorit të regjimit, mullah Larijanin, “një figurë të shquar” dhe vlerësoi” punën e rëndësishme dhe të vlefshme të gjyqësorit “. Mullah Larijani gjithashtu e quajti historinë e turpshme të gjyqësorit të regjimit për represionin dhe shtypjen  veçanërisht të dënimeve brutale si “një përpjekje për të ringjallur të drejtat e njeriut  në islam”.