Wednesday, February 1, 2023

Deklarata e deputetëve britanikë, për masakrën e të burgosurve politikë në vitin 1988 në Iran

NCRI – Konferenca vjetore e Partisë Liberale Demokratike Britanike u mbajt në Bournemouth në fund të shtatorit. Një delegacion i Rezistencës Iraniane mori pjesë në konferencë dhe u takua me përfaqësuesit e Dhomës së Përbashkët dhe Mbretërve Britanikë të Partisë Liberal Demokratike dhe një numër liderësh të tij dhe diskutoi për vazhdimin e shkeljeve të të drejtave të njeriut në Iran dhe vazhdimin e ekzekutimeve, në veçanti ekzekutimin e grave dhe të rinjve.

Më shumë se 30 përfaqësues nga Liberal Demokratët nga të dyja dhomat në parlamentin britanik dolën me një deklaratë, ku mbështesin thirrjen e Presidentes së zgjedhur të Këshillit Kombëtar të Rezistencës së Iranit, Maryam Rajavi, ku kërkon për t’i dhënë fund imunitetit të autoriteteve iraniane, përgjegjëse për masakrën e 30,000 të burgosurve politikë në vitin 1988.

Ata gjithashtu i bënë thirrje qeverisë dhe zyrës së jashtme të Mbretërisë së Bashkuar, të njohin masakrën e të burgosurve politikë në vitin 1988 si krim kundër njerëzimit, të mbështetin veprimet e ndërmarra nga Raportuesi Special i OKB-së për Iranin dhe ti kërkojnë Komisionerit të Lartë për të Drejtat e Njeriut të Kombeve të Bashkuara të urdhërojë një hetim mbi masakrën e vitit 1988 dhe t’i vendosë drejtuesit dhe autorët e këtij krimi para drejtësisë.