Sunday, February 5, 2023

Arrestim i të rinjve dhe  të plagosurve në Ahvaz dhe thirrje për lirimin e menjëhershëm të qindra të arrestuarve

 Të premten në mbrëmje, më 6 prill, protestat e bashkëatdhetarëve arabë në Ahvaz dhe në disa qytete të tjera në Khuzestan vazhduan për të dhjetën ditë, në shenjë proteste ndaj politikave represive dhe përçarëse dhe diskriminuese të regjimit të mullahëve.

Forcat represive të cilat u vendosën në pjesë të ndryshme të qytetit në një përpjekje për të parandaluar vazhdimin dhe përhapjen e protestave, arrestuan një numër të madh të rinjsh dhe fëmijësh të moshave 11 deri në 15 vjeç, gjatë një sulmi në demonstrata dhe gjithashtu në mesnatë duke sulmuar shtëpitë e njerëzve. Një numër familjarësh janë arrestuar pasi shkuan në organet represive në kërkim të fëmijëve të tyre.

Të enjten, më 5 prill, të rinjtë e qytetit zhvilluan tubime gjatë natës në zona të ndryshme duke përfshirë rrethin e Alawit, rrethin e Zoyeh, Ein II dhe zonat e Kiyanit. Sulmet e mercenarëve ndaj popullit çuan në konfrontim dhe një numër njerëzish u plagosën. Forcat represive arrestuan disa nga të plagosurit.

Regjimi kishte ndërprerë internetin në zonat e demonstratave për të parandaluar përhapjen e protestave dhe publikimin e lajmeve mbi to.

Rezistenca iraniane i bën thirrje bashkësisë ndërkombëtare të dënojë politikën e shtypjes dhe represionit të fashizmit fetar në pushtet në Iran dhe bën thirrje për një veprim të menjëhershëm dhe të efektshëm për lirimin e qindra të burgosurve të arrestuar gjatë protestave në Ahvaz dhe qytete të tjera në provincën Khuzestan.

Sekretariati i Këshillit Kombëtar të Rezistencës së Iranit

7 prill 2018