Wednesday, February 1, 2023

12 Arrestohen dhe 30 Merren në Pyetje Gjatë Grevës së Mësuesve në Iran

Të paktën 12 mësues janë arrestuar, ndërsa 30 të tjerë janë thirrur për t’u marrë në pyetje, gjatë grevës mbarëkombëtare të mësuesve iranianë që u zhvillua këtë javë.

Të enjten, më 15 nëntor, Këshilli i Koordinimit të Organizatave të Profesionit të Mësuesve publikoi një deklaratë në llogarinë e tij në Telegram, ku raportonte arrestimet.

Deklarata lexon: “Aktivistët janë thirrur në Agjensinë e Inteligjencës, në Departamentin e Inteligjencës së Trupave të Gardës Revolucionare, në Agjensitë e Mbrojtjes dhe Policinë e Sigurisë në pothuajse të gjitha provincat që kanë marrë pjesë në grevë. Të paktën 30 aktivistë, duke përfshirë Eskandar Lotfi, një anëtar i Këshillit të Koordinimit të Mësuesve të Iranit, janë thirrur e marrë në pyetje, ndërsa mbi 50 mesazhe kërcënuese janë marrë nga aktivistët.”

Në deklaratën e tij, Këshilli Koordinues i Organizatave të Profesionit të Mësuesve dënon shtypjen dhe arrestimet, ndërkohë që paralajmëron Regjimin për pasojat e këtyre arrestimeve. Ata nxisin gjithashtu autoritetet që t’i lirojnë menjëherë dhe pa kushte të arrestuarit, si dhe t’i japin fund shtypjes së anëtarëve të unioneve të profesioneve dhe të mos i akuzojnë për krime që nuk i kanë bërë.