Një sulm sekret kibernetik kundër regjimit iranian në qershor arriti të fshinte një databazë të rëndësishme që përdorej nga krahu paraushtarak i regjimit për të planifikuar sulme kundër cisternave të naftës, si dhe dëmtoi aftësinë e Teheranit për të marrë në shënjestër fshehurazi anijet e transportit në Gjirin Persik, të paktën përkohësisht, sipas zyrtarëve të lartë amerikanë.
Regjimi iranian vazhdon ende me përpjekjet për t’i rikuperuar të dhënat e shkatërruara nga sulmi i 20 qershorit dhe për t’i rifilluar disa nga sistemet kompjuterike — duke përfshirë rrjetet e komunikimit të ushtrisë — që janë çuar offline, thanë zyrtarët për The Neë York Times.
Sulmi mbi grupin e inteligjencës të Gardës Revolucionare e ka zvogëluar aftësinë e regjimit iranian për të kryer sulme të fshehta, sipas një zyrtari të lartë.
Qeveria e Shteteve të Bashkuara ka marrë informata të cilat, sipas zyrtarëve, tregojnë se Garda Revolucionare qëndron prapa sulmeve me mina magnetike që janë vënë mbi cisternat e naftës në Gjirin persik në maj e qershor. Komanda Qendrore e ushtrisë amerikane i pati treguar disa nga provat kundër regjimit iranian një ditë para sulmit kibernetik.