Thesari i Sh.B.A. shenjëstron Industrinë e metaleve të Iranit dhe Zyrtarët e Lartë të Regjimit
të Premten Shtetet e Bashkuara njoftuan sanksione të reja duke shënjestruar industrinë e metaleve të regjimit iranian dhe sektorët e ndërtimit, prodhimit, minierave dhe tekstilit. Përveç kësaj, janë në shënjestër tetë zyrtarë të lartë të regjimit iranian.
Sanksionet u njoftuan në një konferencë shtypi në Shtëpinë e Bardhë nga Sekretari i Thesarit amerikan Steven Mnuchin dhe Sekretari i Shtetit Mike Pompeo.
- Pompeo tha që individët ishin “përgjegjës për dhunën e regjimit brenda dhe jashtë vendit”. Ai shtoi se SH.B.A. “po godiste aparatet e brendshme të sigurisë të Iranit”.
Departamenti Amerikan i Thesarit lëshoi një deklaratë në lidhje me këtë.
“Sot, Departamenti amerikan i Zyrës së Thesarit të Kontrollit të Pasurive të Huaja (OFAC) ndërmori veprime kundër tetë zyrtarëve të lartë të regjimit iranian të cilët kanë përshkallëzuar objektivat destabilizuese të regjimit, si dhe prodhuesit më të mëdhenj të çelikut, aluminit, bakrit dhe hekurit në Iran, të cilët kolektivisht gjenerojnë miliarda dollarë në vit. Aksioni i Thesarit përfshin shënjestrimet për Ali Shamkhanin, Sekretarin e Këshillit të Lartë të Sigurisë Kombëtare të Iranit; Mohammad Reza Ashtianin, Nëndrejtori i Shefit të Shtabit të forcave të armatosura iraniane; dhe Gholamreza Soleimanin, kreu i milicisë Basij të Trupave të Gardës Revolucionare Islamike (IRGC). Për më tepër, Thesari piketoi 17 prodhues iranianë të metaleve dhe ndërmarrjet minerare; një rrjet prej tre njësish me bazë në Kinë dhe entitetet me bazë në Seychelles dhe një anije të përfshirë në blerjen, shitjen dhe transferimin e produkteve të metaleve iraniane, si dhe në sigurimin e përbërësve të prodhimit të metaleve kritike për prodhuesit e metaleve iraniane. ”lexon deklarata duke shtuar:
Njëkohësisht me shënjestrimet e ditës së sotme, Presidenti është duke nënshkruar një Urdhër të ri Ekzekutiv (E.O.) që synon burime shtesë të të ardhurave të përdorura nga regjimi iranian për të financuar dhe mbështetur programin e tij bërthamor, zhvillimin e raketave, terrorizmin, dhe rrjetet e përfaqësuesve të terrorizmit dhe ndikimin e keq rajonal. Konkretisht, ky E.O. autorizon Sekretarin e Thesarit, në konsultim me Sekretarin e Shtetit, të vendosë sanksione ndaj personave që operojnë ose veprojnë me sektorë shtesë të ekonomisë iraniane, përfshirë ndërtimin, minierat, prodhimet dhe tekstilet.
“Shtetet e Bashkuara po shenjëstrojnë zyrtarë të lartë iranianë për shkak të përfshirjes dhe bashkëpunimit të tyre në sulmet e raketave balistike të së martës,” tha sekretari Steven T. Mnuchin. “Ne po shënjestrojmë gjithashtu prodhuesit më të mëdhenj të metaleve në Iran dhe vendosjen e sanksioneve për sektorët e rinj të ekonomisë iraniane përfshirë ndërtimin, prodhimin dhe minierat. Këto sanksione do të vazhdojnë derisa regjimi të ndalojë financimin e terrorizmit global dhe të angazhohet të mos ketë më armë bërthamore. “