në senatin amerikan mbahet konferencë mbi të drejtat e njeriut në IRAN
Me rastin e Nowruz-it, Vitit të Ri iranian, në Senat u mbajt një ceremoni nga Organizata e Komuniteteve Iraniano-Amerikane (OIAC).
Edhe pse ky event u bë me rastin e Vitit të Ri iranian, Nowruz, moderatorët u shprehën të trishtuar nga situata fatkeqe në Iran, ku koronavirusi ka gllabëruar të 31 provincat e vendit, mijëra njerëz kanë vdekur dhe regjimi nuk jep asnjë shenjë se është i gatshëm apo i aftë ta menaxhojë këtë katastrofë.
Ky event u drejtua nga Ambasadori Mitchell Reiss, i cili në fjalën e tij të hapjes, tha:
“Shohim një regjim autoritar që përdor dhunën. Dhe mbi të gjitha, shohim Maryam Rajavi-n dhe NCRI-në si një alternativë të arsyeshme demokratike që i pasqyron më së miri shpresat dhe aspiratat e popullit iranian.”
Programi nisi me një video-mesazh nga Znj. Maryam Rajavi, presidentja e zgjedhur e Këshillit Kombëtar të Rezistencës së Iranit. Në mesazhin e saj, Znj. Rajavi solli në vëmendje “situatën urgjente të krijuar nga tragjedia që po vazhdon në Iran,”
“Për shkak se regjimi nuk e ka informuar me kohë popullin për përhapjen e koronavirusit dhe nuk ka marrë masat e nevojshme parandaluese, kanë vdekur mbi 3,000 njerëz deri tani,” tha Znj. Rajavi.
“Zyrtarët e regjimit e kanë fshehur praninë e virusit në Iran për disa javë, në mënyrë që të kishte pjesëmarrje në zgjedhjet e rreme parlamentare.
Pasojat nuk kanë prekur vetëm Iranin. Ato kanë shkaktuar përhapjen e virusit në disa vende të tjera.
Sot, populli i Iranit e fajëson me të drejtë regjimin për situatën aktuale. Për këtë arsye, objektivi i regjimit dhe forcave të tij represive është ta shtypin pakënaqësinë e popullit.
Frika e regjimit dhe masat e tij shtypëse kanë si shkak faktin që Irani është në prag të ndryshimit.
Më pas vijoi një mesazh nga Senatori amerikan Ted Cruz (R-Texas), i cili shprehu keqardhjen që nuk mund të ishte i pranishëm personalisht në këtë konferencë.
“Është e domosdoshme që zyrtarët e regjimit të mbahen përgjegjës për krimet e tyre kundër njerëzimit, dhe që t’i bëhet presion regjimit që t’i lirojë të burgosurit politikë e t’i garantojë popullit iranian akses të lirë në internet,“ tha Senatori Cruz në mesazhin e tij.
Senatori Liberman vuri në dukje rolin e regjimit iranian në përhapjen e koronavirusit në Iran, duke thënë, “Irani vazhdon ende edhe sot të përdorë Mahan Air për të udhëtuar drejt Kinës e nga Kina, pa marrë asnjë masë sigurie”, dhe tha gjithashtu se, “Stafi ka një mundësi shumë të mirë për të parë si bëhen politikat dhe si mund të ndihmosh për ta ndryshuar historinë.”
Folën gjithashtu edhe Senatorët Ben Cardin dhe Jeanne Shaheen.
“Politika jonë është ta penalizojmë këtë regjim në emër të popullit iranian. Kjo është një përpjekje jopartiake. Siç ka thënë Martin Luther King, jemi këtu për të drejtat njerëzore të të gjithë njerëzve në botë” tha Senatori Cardin.
“Duhet të mbajmë anën e popullit iranian. E ardhmja e Iranit i përket popullit iranian,” pohoi senatorja Shaheen.
