Sunday, January 29, 2023

Mini Raport i të hënës mbi Iranin – 30 prill  2018

 

  • BANEH, Kurdistani iranian: dita e 16-të radhazi e grevës së tregtarëve

30 prill 2018 – Tregtarët dhe pronarët e dyqaneve të Banehit, në provincën e Kurdistanit – Irani perëndimor, filluan ditën e gjashtëmbëdhjetë  të grevës dhe protestave sot. Ata po protestojnë kundër mbylljes së kalimeve kufitare dhe rritjes së detyrimeve doganore.

  • Protestë nga operatorët e nënstacionit të tensionit të lartë në Teheran

Të dielën, më 29 prill, operatorët e nënstacioneve të tensionit të lartë në të gjithë Iranin u mblodhën në shenjë proteste në ndërtesën e Ministrisë së Energjisë në Teheran.

Është e disata herë që operatorët e stacioneve të tensionit të lartë vijnë në Teheran nga krahina të ndryshme dhe organizojnë protesta kundër institucioneve përkatëse, me kërkesën për një ndryshim të statusit.

  • Raketat e paidentifikuara kundër luftëtarëve të regjimit sirian vrasin kryesisht iranianët

Sulmet me raketa kundër forcave të regjimit sirian në provincën qendrore të Hamas vranë gjatë natës 26 luftëtarë pro-regjim, kryesisht iranianë, tha të hënën një vëzhgues.

Observatori sirian i të Drejtave të Njeriut tha se luftëtarët ishin vrarë në një sulm, “me gjasë” të kryer nga Izraeli, në bazën e Brigadës së 47-të në Hama.

  • I vihet zjarri posterave të udhëheqësit suprem të Iranit Ali Khamenei

PMOI / MEK, 29 prill 2018, protestuesit i vunë zjarrin posterave të mëdha të udhëheqësit suprem të regjimit iranian, Ali Khamenei, si pjesë e fushatës së tyre për të treguar kundërshtimin ndaj regjimit dhe për të promovuar kauzën e lirisë dhe demokracisë pas dëbimit të regjimit nga vendi.

  • Golrokh Iraee është kthyer në burgun famëkeq Qarkak

E burgosura politike Golrokh Ebrahimi Iraee është kthyer në burgun famëkeq Qarchak, në Varamin, pa përfunduar trajtimin e saj mjekësor.

Znj. Iraee u kthye në Burgun e Qarçakut të dielën më 29 prill 2018, pas ndërprerjes  së grevës së urisë më 24 prill, pas thirrjeve të shumta nga të burgosurit e tjerë politikë dhe aktivistët e të drejtave të njeriut.

  • Rouhani i thotë Macronit: Marrëveshja bërthamore e Iranit ‘e panegociueshme’

Presidenti i regjimit iranian Hassan Rouhani i tha të enjten homologut të tij francez Emmanuel Macron se marrëveshja bërthamore që vendi i tij arriti me fuqitë ndërkombëtare ishte “e panegociueshme”.

“Marrëveshja bërthamore apo çdo çështje tjetër nën pretekstin e saj nuk është e negociueshme në asnjë mënyrë”, i tha Rouhani Macronit në një telefonatë, cituar nga faqja e internetit e presidencës iraniane.

“Irani nuk do të pranojë asnjë kufizim përtej angazhimeve të tij,” tha ai, pasi sekretari i ri i shtetit i SHBA Mike Pompeo paralajmëroi mbi “ambicien e Iranit për të dominuar Lindjen e Mesme” gjatë një vizite në Izrael.

  • John Bolton: Trump ende nuk ka vendosur ta lërë marrëveshjen bërthamore të Iranit

Uashingtoni, 29 prill 2018 – Këshilltari mbi sigurinë kombëtare John Bolton tha të dielën se Presidenti  Trump ende nuk ka vendosur nëse do të lërë marrëveshjen bërthamore të Iranit para afatit të tij të 12 majit.

“Ai sigurisht po shqyrton kuadrin, katër pikat kryesore që [presidenti francez Emmanuel Macron] i paraqiti në takimet e tyre javën e kaluar,” tha Bolton gjatë një interviste me “Fox News Sunday”.