Tuesday, May 28, 2024

Ligjvënësit Italianë Bëjnë Thirrje Për Politikë të Re Ndaj Iranit

12 prril 2023

Më 12 prill, në një konferencë për shtyp në Romë, në Itali, ligjvënësit italianë
njoftuan një nismë të re ndërpartiake që bën thirrje për një qasje dhe politikë
të re ndaj Iranit.
Përveç thirrjes për etiketimin e Gardës Revolucionare të regjimit iranian si
organizatë terroriste, anëtarët e Senatit dhe Parlamentit italian diskutuan rreth
kryengritjes mbarëkombëtare që ka përparuar në të gjithë Iranin për gati
shtatë muaj, ndikimin dhe pasojat e saj, si dhe kundërpërgjigjet e regjimit,
p.sh. sulmet kimike zinxhir ndaj studenteve në të gjithë vendin.
Senator Giulio Terzi 

Është e rëndësishme të kuptohet situata në Iran. Zonja Rajavi dhe banorët e
Ashraf 3 përfaqësojnë popullin iranian dhe shoqërinë iraniane jashtë vendit.
Ata kanë krijuar një lëvizje rezistence që është bërë një forcë shtytëse për
lirinë. Dëshmorët e rezistencës kanë sakrifikuar jetën për t’iu kundërvënë këtij
regjimi.
Puna që po bëni në parlament është shumë e rëndësishme për ne. Ne
ndajmë fatin tonë me ju, prandaj duhet ta mbajmë këtë marrëdhënie me ju.
Regjimi është përpjekur të shkatërrojë çdo lloj rezistence dhe ju jeni ngritur
kundër këtij regjimi. Regjimi po përpiqet të shuajë çdo lloj rezistence, gjë që
po e shohim me helmimet në shkolla.
Vendet perëndimore duhet ta shohin vetë se çfarë po ndodh në Iran. Rezoluta
e Senatit italian është shumë e rëndësishme dhe tregon solidaritetin e popullit
italian dhe përfaqësuesve të tij me popullin iranian. Mendoj se duhet të jetë
baza e politikës sonë të jashtme ndaj regjimit në Iran. Siç është theksuar në
planin prej dhjetë pikash [të Maryam Rajavit], regjimi duhet të zëvendësohet
nga një qeveri e përkohshme që do t’u mundësojë njerëzve të zgjedhin shtetin
në të cilin duan të jetojnë.

Nuk duhet të dorëzohemi para kërkesave të këtij regjimi. IRGC duhet të futet
në listën e organizatave terroriste. Ne nuk duhet të lejojmë që regjimi të
përdorë objektet e tij diplomatike për aktivitete terroriste.

Emanuele Pozzolo, anëtar i Komitetit të Punëve të Jashtme të
Parlamentit Italian
Një vizitë në Ashraf 3 do të na ndihmojë të kuptojmë më mirë situatën në Iran
dhe Rezistencën Iraniane. Regjimi ka kundërshtuar qeverinë italiane për
vizitën tonë në Ashraf. Kjo na bën krenarë. Ne duhet të shprehim solidaritetin
tonë me popullin iranian. Regjimi është mësuar të përhapë gënjeshtra në
mbarë botën. Ne duhet të rezistojmë ndaj këtyre gënjeshtrave. Politika e
jashtme e vendeve perëndimore duhet të bazohet në realitet, jo në gënjeshtrat
e regjimit. Në takimet e mia me zonjën Rajavi, kuptova se ata janë të
vendosur për të arritur lirinë për popullin e tyre dhe janë të gatshëm të bëjnë
sakrifica. Ne nuk mund t’i injorojmë dhe të mbyllim sytë ndaj këtyre fakteve.
Ata kanë një dëshirë të fortë për të arritur lirinë në Iran.

Senator Marco Scurria
Politikanët në Itali duhet të kenë parasysh se populli iranian ka nevojë për
mbështetje të fortë. Nisma jonë është të mbështesim popullin iranian dhe
lëvizjen e tij të rezistencës. Ne dëshirojmë të ngremë çështjen e Iranit në
takimin e ardhshëm të Këshillit të të Drejtave të Njeriut. Unë besoj se
kryengritja në Iran, të cilën duhet ta cilësojmë si revolucion, nuk do të zhduket.
Ne do ta mbështesim këtë revolucion deri në fund. Media dhe rrjetet sociale
në vendet tona mund të jenë të dobishme për iranianët duke i lidhur ata me
njerëz të tjerë për të promovuar çështjen e lirisë së popullit iranian. Vazhdimi i
kësaj rezistence legjitime na jep mundësinë të qëndrojmë përkrah popullit për
të drejtat e njeriut. Ne duhet të marrim shumë iniciativa për t’i promovuar këto
vlera. Përveç demonstratave dhe protestave para ambasadës iraniane, ne
duhet të tregojmë solidaritetin tonë me diasporën iraniane dhe të promovojmë
idealet e atij populli. Shumë iranianë në mërgim kanë parë skena të
tmerrshme në Iran. Ne duhet t’i dëgjojmë ata dhe ta marrim seriozisht këtë
çështje.
Diktatorët nuk mund të marrin përgjithmonë në duart e tyre fatin e kombeve.
Iranianët nuk duan të kthehen në diktaturën e mëparshme. Ne mbështesim
objektivat e NCRI. Ato korrespondojnë me vlerat tona. Është gjithashtu
kërkesë e popullit iranian. Jemi të lumtur të shohim se iranianët janë të

vendosur të ndërtojnë vendin e tyre bazuar në vlerat demokratike dhe ta
udhëheqin këtë vend drejt demokracisë.

Andrea Di Giuseppe, anëtar i Komitetit të Punëve të Jashtme të
Parlamentit Italian
Ne duhet të shohim një ndryshim në politikën e qeverive perëndimore.
Çështja e Iranit nuk duhet të jetë vetëm një çështje e njerëzve të zakonshëm.
Duhet të merret në konsideratë në politikat e qeverive evropiane, sepse pa një
politikë dhe veprime të rrepta dhe vendime të qarta kundër këtij regjimi nuk do
t’i arrijmë dot qëllimet tona. Ne kemi nevojë për vendosmëri. Po përballemi me
një regjim i cili është një fyerje kundër njerëzimit, madje edhe ndaj Islamit,
fesë që ai pretendon se përfaqëson. Presioni mbi regjimin duhet të jetë shumë
i fortë. Nevoja për të rritur presionin ndaj regjimit iranian po ndihet në nivel
ndërkombëtar. Ne gjithashtu duhet të qëndrojmë në solidaritet me popullin
iranian.
Sot, regjimi është në anën e Rusisë në luftën e saj kundër Ukrainës. Kjo është
kundër paqes ndërkombëtare. Kjo gjë po diskutohet në rrjetet sociale, por nuk
duhet të qëndrojë vetëm në atë nivel. Duhet të shohim veprime konkrete
kundër regjimit, veprime diplomatike, apo masa të tjera që krijojnë më shumë
presion mbi regjimin. Ata duhet ta dinë se vendimet që marrin do të kenë
pasoja. Fatkeqësisht, represioni në Iran dhe rreziqet e kërcënimet kundër

popullit iranian dhe komunitetit ndërkombëtar nuk po transmetohen
mjaftueshëm në media.

Deputete Stefania Ascari, Dhoma e Deputetëve e Italisë 

Unë mendoj se të gjithë ligjvënësit duhet ta vizitojnë muzeun Ashraf 3 dhe të
shohin se çfarë ka duruar populli i Iranit. Këta njerëz kanë rezistuar në dyzet
vitet e fundit dhe vazhdojnë të rezistojnë për të arritur një vend të lirë dhe
demokratik. Më duhet të theksoj se në Parlament duhet të bëjmë gjithçka për
t’u solidarizuar me ta. Ne nuk duhet të qëndrojmë të heshtur dhe duhet të
mbështesim popullin iranian. Ne duhet të jemi të përgjegjshëm për
informacionin që kemi për të qëndruar përkrah këtyre njerëzve.