Saturday, April 13, 2024

KONFERENCE NË SENATIN ITALIAN-2024

Maryam Rajavi: Zgjidhja qëndron tek populli iranian, lëvizja e tij e rezistencës dhe kryengritja kundër regjimit klerikal

Të martën, më 5 mars 2024, një numër senatorësh dhe deputetësh italianë morën pjesë në një konferencë që trajtonte situatën e regjimit iranian dhe rolin e Rezistencës Iraniane. Në këtë takim morën pjesë edhe disa personalitete politike.

Maryam Rajavi iu bashkua konferencës në internet dhe iu drejtua audiencës.

Shkëlqesia Juaj Senator Giulio Terzi,

Senatorë dhe personalitete të nderuara,

I dërgoj përshëndetje të ngrohta të gjithëve në emër të Rezistencës Iraniane, e cila kërkon të rrëzojë diktaturën fetare mizogjene dhe shtypëse dhe të vendosë lirinë dhe demokracinë në Iran.

Ndërsa i afrohemi Ditës Ndërkombëtare të Gruas, shpreh respektin tim të sinqertë për motrat e mia në të gjithë Italinë, veçanërisht për gratë e nderuara që shërbejnë në të dy dhomat e parlamentit italian, të cilat mbajnë përgjegjësinë e rëndë të legjislacionit.

Ne kujtojmë kryengritjen që filloi në shtator 2022 në Iran dhe jemi mirënjohës për mbështetjen e dhënë nga populli i Italisë, veçanërisht nga gratë, të cilat qëndruan në solidaritet me popullin iranian dhe njohën rolin e guximshëm të grave iraniane në ballë të kryengritjet.