Këmbëngulja e Heronjve që Mbajtën Qëndresë në Vitin 1988 është Nderi Kombëtar dhe Treguesi i Vlerave të Popullit Iranian
Hetimi mbi Masakrën e 1988-ës Duhet të Përfshijë të Gjitha Burgjet e Iranit, Duke Filluar në 1981-in
Në fund të gjyqit të Hamid Noury-t (një nga ekzekutuesit e masakrës së 1988-ës) në Suedi, zonja Maryam Rajavi, presidentja e zgjedhur e Këshillit Kombëtar të Rezistencës së Iranit (NCRI), u dërgoi një mesazh iranianëve liridashës dhe familjarëve të dëshmorëve, të cilët janë mbledhur dhe kanë demonstruar jashtë gjykatës në çfarëdo rrethane që nga fillimi i gjyqit më 10 gusht 2021, deri në fund të tij, më 4 maj. Ajo i përshkroi protestuesit si kërkues të drejtësisë në emër të Mujahedin-e Khalq ( MEK/PMOI) dhe të luftëtarëve që u masakruan për qëndrimin e tyre të palëkundur. Këta protestues demonstruan dhe marshuan pandërprerë në nëntë muajt e fundit për ta nxitur botën që t’i ndjekë penalisht vrasësit e masave që sundojnë Iranin, për krimet e tyre kundër njerëzimit, krime lufte dhe gjenocid. Ata gjithashtu qëndruan të palëkundur dhe nuk lejuan që Ministria e Inteligjencës e mullahëve të kishte sukses në komplotet e saj për të marrë kontrollin e Lëvizjes Thirrje për Drejtësi.