Të premten dhe të shtunën në mbrëmje, më 6 dhe 7 maj 2022, njerëzit e tërbuar të provincës Khuzestan (Irani jugperëndimor), duke përfshirë Ahvaz, Izeh, Baghmalek dhe Susangerd, dolën në rrugë në protestë kundër rritjes së çmimeve të mallrave thelbësore, veçanërisht rritjes astronomike e çmimit të bukës. Në Ahvaz, njerëzit fillimisht mbajtën mitingje sporadike proteste në pjesë të ndryshme të qytetit dhe më pas marshuan drejt qendrës së qytetit të premten në mbrëmje. Në qytetin Izeh, njerëzit dolën në rrugë të premten mbrëma, duke brohoritur “Khamenei është një vrasës, mbretërimi i tij është i paligjshëm” dhe “Vdekje Raisi”. Protestuesit në Izeh kapën një magazinë që i përkiste mafies së Khameneit, ku grumbullohej mielli.
I frikësuar nga përshkallëzimi i protestave, regjimi vendosi forcat e tij represive IRGC, Basij, sigurinë dhe inteligjencën dhe ndërpreu internetin në shumicën e qyteteve të Khuzestanit. Megjithatë, të shtunën në mbrëmje, njerëzit në Izeh dhe disa vende të tjera dolën në rrugë për natën e dytë me radhë.
Në një tjetër zhvillim, të shtunën, më 7 maj, fermerët në qytete të ndryshme, duke përfshirë Qazvin, Qom, Shiraz, Mashhad, Shahroud, Kerman, Isfahan, Yazd dhe Arak, organizuan një tubim jashtë departamentit provincial të bujqësisë. Ata po protestonin për koston e lartë të ushqimit dhe mallrave për bagëtinë dhe mospërfilljen e nevojave të tyre nga ana e zyrtarëve. Në pankartën e mbajtur nga fermerët e Shirazit shkruhej: “Qalibaf (kryetar i parlamentit të regjimit), Raisi, ky është paralajmërimi i fundit. Fermerët e falimentuar të bagëtive janë gati të revoltohen.
