Deklarata për shtyp Nr. 33 e NCRI
Studentët thërrisin: “Nga Sharifi në Kurdistan, studentët janë në burg”, “Studentët e burgosur duhet të lirohen”
Duke shënuar ditën e 18-të të kryengritjes mbarëkombëtare dhe pas përballjes heroike të studentëve të Universitetit Sharif të Teknologjisë me forcat shtypëse të regjimit, dhjetëra universitete në Teheran dhe në qytete anembanë Iranit organizuan protesta të hënën, më 3 tetor, në mbështetje të Universitetit Sharif të Teknologjisë dhe të kryengritjes mbarëkombëtare, duke thirrur “Vdekje diktatorit!”
Disa nga universitetet ku u zhvilluan protestat janë Universiteti i Teheranit, Universiteti i Shkencës dhe Teknologjisë, Universiteti Meli, Tarbiat Modares Teheran, Khajeh Nasir Teheran, Amir Kabir, Universiteti Azad i Teheranit, Ferdowsi Mashhad, Universiteti Azad Mashhad, Universiteti Industrial Mashhad Sajjad, Universiteti i Urmia, Universiteti i Qom, Universiteti i Ardabil, Universiteti Pars Abad në Ardabil, Universiteti i Semnanit, Universiteti i Isfahanit, Universiteti Industrial në Isfahan, Universiteti Najaf Abad i Isfahanit, Universiteti i Kurdistanit, Razi Kermanshah, Mjekësia Veterinare Kermanshah, Universiteti i Burimeve Natyrore, Universiteti i Birjandit, Universiteti Azad Khorasgan dhe Universiteti i Shkencave Mjekësore në Sanandaj.
Studentët në Universitetin e Teheranit thërrisnin, “Haider, Haider, është slogani juaj; kryerja e krimit është nderi juaj”. Studentët e Universitetit Meli brohorisnin, “Hossein, Hossein është slogani juaj; vrasja e njerëzve është detyra juaj”. Studentët e Tarbiat Modares në Teheran protestuan që nga mëngjesi i sotëm duke thirrur: “Studentët e burgosur duhet të lirohen”. Ata gjithashtu thërrisnin: “Liria është e drejta jonë, Sharif është pseudonimi ynë” dhe “Irani është kthyer në front lufte; a jeni armik apo bashkatdhetar?” Studentët në Universitetin Khajeh Nasir Toosi shprehën zemërimin dhe indinjatën e tyre ndaj sulmit të mbrëmshëm ndaj studentëve të pambrojtur nga Forcat e Sigurimit të Shtetit (SSF) dhe Njësitë Speciale Kundër Trazirave, duke thirrur “Vdekje mullahëve!” dhe “Turp për policinë tonë të turpshme!”
Studentët në Universitetin e Shkencave të Isfahanit thërrisnin, “Hossein, Hossein, ku je; Yazid është bërë anëtar i IRGC!”, në Mashhad, studentët e Universitetit Ferdowsi theksuan vendosmërinë e tyre për të vazhduar kryengritjen deri në përmbysjen e diktaturës së mullahëve, duke thirrur: “Kjo nuk është më një protestë, është fillimi i një revolucioni!” Ata shprehën gjithashtu solidaritetin e tyre ndaj studentëve të Universitetit Sharif duke thirrur: “Sharifi është larë në gjak!” Studentët në Universitetin e Shirazit thërrisnin: “Ju i keni vrarë studentët e Sharifit dhe po na thoni ta mbyllim gojën!” Në Tabriz studentët janë ndeshur me policinë, e cila ka hapur zjarr ndaj tyre. Studentët e mjekësisë të Kurdistanit thërrisnin, “Nga Sharifi në Kurdistan, studentët janë në burgje!” Në universitetet e Yazd, Zanjan dhe Urmia, pavarësisht pranisë së madhe të forcave të sigurisë, studentët protestonin dhe thërrisnin: “Studentët e burgosur duhet të lirohen!”
Mbrëmë, në natën e 17-të të kryengritjes, në dhjetëra zona të Teheranit, duke përfshirë Sattarkhan, Tehranpars, Shariati, Sheshin Imam Hossein drejt Teymouri, Piroozi, Valiasr, Resalat, autostradën Sadr, autostradën Niayesh dhe Bulevardin Keshavarz, u zhvilluan demonstrata dhe përleshje me forcat shtypëse. Njëkohësisht, në shumë qytete, duke përfshirë Isfahan, Karaj, Arak, Sanandaj, Mashhad dhe disa qytete në provincat Sistan dhe Baluchistan u zhvilluan demonstrata dhe konfrontime midis të rinjve të rebeluar dhe forcave shtypëse.
Përveç universiteteve në shumë qytete, edhe nxënës të shkollave të mesme protestuan kundër regjimit në mbështetje të kryengritjes mbarëkombëtare të Iranit. Për shembull, në Shiraz, nxënësit e shkollave të mesme thërrisnin: “Vdekje diktatorit!” dhe “Mullahët duhet të zhduken!” Në Mehrshahr të provincës Alborz, në perëndim të Teheranit, nxënëset e shkollave të mesme thërrisnin “Vdekje diktatorit!”
Lidhur me protestat e sotme të studentëve të universitetit në mbarë vendin, zonja Maryam Rajavi, Presidente e zgjedhur e Këshillit Kombëtar të Rezistencës së Iranit (NCRI), tha se në vazhdën e konfrontimit të guximshëm të studentëve të Universitetit Sharif me forcat e regjimit, studentët në të gjithë Iranin zhvilluan protesta në mbështetje të Universitetit Sharif kundër regjimit kriminal klerikal dhe sfiduan sundimin e tyre. Uniteti dhe lufta e vazhdueshme e studentëve të guximshëm është çelësi i fitores, shtoi ajo.
Sekretariati i Këshillit Kombëtar të Rezistencës së Iranit (NCRI-PARIS)
3 tetor 2022
