Friday, December 9, 2022

IRAN: Mësuesit demonstrojnë në 22 provinca

Protestat në Iran

Pensionistët vazhdojnë protestat

Thërasin “Vdekje Raisi”.

Mësuesit dhe punonjësit e arsimit organizuan protesta në 22 provinca mëngjesin e sotëm, të enjten e 16 qershorit, për të kërkuar lirimin e mësuesve të burgosur dhe për të protestuar për mungesën e renditjes dhe standardizimit të pagave të tyre përballë inflacionit dhe çmimeve të larta dërrmuese.

Protestat e mësuesve vazhduan pavarësisht masave represive të forcave të sigurimit të shtetit. Mësuesit thërrisnin “Vdekje Raisi”, “Mësues, ngrihuni për t’i dhënë fund diskriminimit”, “Mësuesit e burgosur duhet të lirohen”, “Diskriminimi i qeverisë, burimi i korrupsionit”, “Me kaq bujë, çfarë ndodhi me premtimet tuaja?” , “Tavolinat tona janë bosh; mjaft padrejtësi dhe shtypje”, dhe “Të burgosurit politikë duhet të lirohet”. Në pankartat që mbanin mësuesit, ndër të tjera shkruanin: “Vendi i mësuesit është në klasë, jo në burg”. Në disa qytete, forcat represive të regjimit penguan mbledhjen e mësuesve dhe arrestuan mësues në disa qytete. Agjentët e regjimit në Teheran dhe shumë qytete të tjera penguan mësuesit të mblidheshin dhe arrestuan disa prej tyre.

 

Zonja Maryam Rajavi, Presidentja e zgjedhur e Rezistencës Iraniane, përshëndeti mësuesit fisnikë që shprehën edhe një herë kërkesat e tyre të drejta në të gjithë Iranin dhe u bëri thirrje të rinjve iranianë t’i mbështesin ata. Ajo përsëriti se protestat mbarëkombëtare të mësuesve, pensionistëve, punëtorëve dhe greva e pazarit kanë tronditur regjimin. Mënyra e vetme për të arritur drejtësinë dhe lirinë është të ngrihemi dhe të kërkojmë fundin e sistemit të mbrapshtë të Velayat-e-Faqih. Arrestimi dhe thirrja e mësuesve në qytete të ndryshme vetëm sa do të forcojë vendosmërinë për të rivendosur të drejtat e tyre. Ajo u bëri thirrje Kombeve të Bashkuara dhe komunitetit ndërkombëtar që të punojnë për lirimin e të gjithë të arrestuarve.