Shkruar nga Sekretariati i Këshillit Kombëtar të Rezistencës së Iranit (NCRI)
9 dhjetor 2020
Pas publikimit të një raporti nga ekspertë të Kombeve të Bashkuara mbi masakrën e 1988-ës ndaj të burgosurve politikë, si një “krim kundër njerëzimit,” dhe pas thirrjes për një hetim “në thellësi” dhe “të pavarur” mbi këtë çështje, Znj. Maryam Rajavi, Presidentja e zgjedhur e Këshillit Kombëtar të Rezistencës së Iranit (NCRI), tha se ky raport është dëshmi për rezistencën e atyre dëshmorëve në mbrojtje të idealeve të tyre. Tridhjetë e dy vite pas masakrës, ky raport është një hap i madh dhe cilësor në ecjen përpara të lëvizjes për drejtësi për viktimat e asaj masakre, shtoi ajo.
Znj. Rajavi vuri në dukje se raporti, i cili thekson mos-zbatimin nga ana e regjimit të “detyrimeve sipas ligjeve ndërkombëtare për të drejtat e njeriut,” duke përfshirë mos-dhënien e informacioneve lidhur me fatin dhe vendin e varrimit të të ekzekutuarve, e shton së tepërmi nevojën për t’ia referuar Këshillit të Sigurimit të OKB dosjen e këtij krimi që vazhdon ende kundër njerëzimit, dhe për t’u kërkuar llogari zyrtarëve dhe autorëve të këtij krimi të madh të shekullit.
Ajo shtoi se sunduesit aktualë të Iranit, sidomos Khamenei, Rouhani, dhe Ebrahim Raisi, kryegjyqtar i regjimit, shumë ministra dhe zyrtarë gjyqsorë, si dhe ekzekutuesit e zyrtarët e Ministrisë së Inteligjencës e të Gardës Revolucionare që kanë qenë të përfshirë në vrasjen e të burgosurve politikë në 1988-ën dhe gjatë viteve 1960, duhet të vihen para drejtësisë.
