Organizata Muxhahedine e Popullit të Iranit (PMOI / MEK) shpalli mbasditen e sotme, më 31 mars 2020, se numri i vdekjeve nga Koronavirusi në 237 qytete të Iranit ka arritur në mbi 14,700. Numri i viktimave në Isfahan është 1500, Ilam 135, Teheran 1900, Khorasan Razavi 1120, Khuzestan 635, Zanjan 280, Fars 240, Kurdistan 240, Kerman 180, Kermanshah 400, Golestan 705, Mazandaran 1060, Provinca Qendrore 230, dhe Hamadan 300.
Rastet e reja të infektimeve me Koronavirus në 24 orët e fundit, sipas Ministrisë së Shëndetësisë të regjimit iranian, janë 3111, ndërsa numri i vdekjeve është shpallur si 141. Ndërkohë, Rouhani i përshkruan këto shifra të reja si inkurajuese duke thënë, “Numri i njerëzve të shtruar në spitale ka rënë dhe situata në 23 provinca është e mirë, dhe kushtet janë të pranueshme.”
Mbrëmë në televizionin kombëtar të regjimit u transmetua një takim mes Rouhani-t dhe një grupi mjekësh, ku njëri prej tyre reagoi ndaj komentit të Rouhani-t se e gjithë bota është kapur në befasi, duke thënë, “Unë kërkoj që të flitet me prova. Nuk mund ta drejtojmë vendin me hamendje e supozime. Si lektor universiteti, them se nuk i kemi përdorur shumë potenciale të vendit. Z. President, e gjithë bota është kapur në befasi, por ne jemi kapur në befasi me duart e lidhura.” Një mjek tjetër i tha Rouhani-t, “Në shumë pjesë të vendit, duke përfshirë Teheranin, nuk e kemi arritur akoma kulmin. Është e domosdoshme që të mbajmë një gjendje izolimi dhe karantine për tre-katër javë. Virusi SARS pati disa kulme; kështu që ky virus mund të qëndrojë për një apo dy vite.”
Znj. Maryam Rajavi tha se regjimi klerikal nuk ka patur asnjë pengesë apo ndalim për blerjen apo importimin e ilaçeve e pajisjeve mjekësore, por në vend që të shqetësohen për jetët e njerëzve, ata shqetësohen vetëm për sanksionet e vëna mbi paratë e tyre.
Rezistenca iraniane ka këmbëngulur për shumë vite se dhënia e ushqimeve dhe ilaçeve, dhe dhënia e pagave të vonuara të infermierëve, punëtorëve, dhe mësuesve duhet të mbikëqyret dhe kontrollohet nga Kombet e Bashkuara sepse Khamenei do t’i përdorte këto para në Irak, Siri, Jemen, dhe Liban për ambiciet e tij terroriste e reaksionare, dhe mbi të gjitha, për të mbushur xhepat e Gardës Revolucionare të regjimit.
Sekretariati i Këshillit Kombëtar të Rezistencës së Iranit (NCRI)
31 mars 2020
