UASHINGTON (AP) – Një grup i ri dypartiak në Kongres po dënon qeverinë iraniane për helmimin kohët e fundit të nxënëseve të shkollave në vend, duke përforcuar kritikat në rritje në Uashington kundër Republikës Islamike dhe mospërfilljen e saj për të drejtat e njeriut.
Përfaqësuesja Sheila Jackson Lee, D-Texas, njoftoi formimin e Grupit Parlamentar të Grave Iraniane të Kongresit me mbështetjen e gati 20 anëtarëve republikanë dhe demokratë të Dhomës.
Ky është vetëm shembulli i fundit ku zyrtarët amerikanë dënojnë mënyrën e trajtimit të grave nga qeveria iraniane që kur shpërthyen protestat mbarëkombëtare për herë të parë pas vdekjes së 22-vjeçares Mahsa Amini më 16 shtator, ndërsa mbahej në paraburgim nga policia e moralit e Iranit. Amini u akuzua për shkelje të kodit të rreptë të veshjes për gratë në Iran sepse kishte veshur shaminë e saj në mënyrë jo të duhur.