Thursday, March 28, 2024

Gjendja e tmerrshme e varësisë nga substancat në Iran

Sundimi 43-vjeçar i mullahëve e ka kthyer Iranin në një shoqëri të degjeneruar pa asnjë vlerë njerëzore të mbetur për popullin e saj dhe pa para e punë për të jetuar me dinjitet. Të rinjtë e papunë, të pashpresë dhe të dëshpëruar kanë rënë në kurthin e bandave të drogës, të cilat janë të kontrolluara dhe në shërbim të Gardës Revolucionare (IRGC) dhe Ministrisë së Inteligjencës dhe Sigurisë (MOIS).

Sipas një interviste me një ekspert të varësisë të quajtur Saeed Safatian, dhe të publikuar vitin e kaluar nga faqja shtetërore e internetit 55 Online, mbi 4.4 milionë nga 80 milionë banorët e Iranit janë tani të varur nga substancat.

Sipas kësaj faqe interneti, fakti më i trishtueshëm është se të droguarit iranianë nuk janë më përdorues të drogave nga materialet tradicionale të cilat nxirren nga burime natyrore si bimët. Përkundrazi, sipas këtyre mediave, 60 për qind e të droguarve tani janë përdorues të drogave industriale, nga ku 40 për qind janë të varur nga drogat psikodelike.

Substanca e parë psikodelike është kanabisi ose Gol (Marihuana), e ndjekur nga qelqi (Amfetamina). Konsumi i marihuanës është rritur në mënyrë dramatike vitet e fundit, duke ulur në mënyrë dramatike moshën e varësisë në vend. Veçanërisht vajzat e reja i janë drejtuar drogës.

Duke iu referuar përpjekjes së regjimit për luftimin e varësisë dhe uljen e numrit të njerëzve me varësi në vend, Safatian tha: “Edhe tani, duke qenë se Irani ka një popullsi prej rreth 85 milionë banorësh, numri i të varurve është më shumë se katër milionë. Për mendimin tim, lufta jonë kundër drogës nuk ka qenë e suksesshme dhe askush nuk mund të thotë se kemi patur një luftë të suksesshme.

“Sigurisht, dikush mund të thotë se fushata jonë është e suksesshme, por nëse pyesim disa ekspertë të ndryshëm, ata thonë se nuk ka qenë e suksesshme. Sidomos gjatë qeverisë së Z. Rouhani, e cila ishte e dobët. Kjo do të thotë se nëse krahasojmë qeveritë me njëra-tjetrën, qeveria e Z. Rouhani, me të gjitha planet e saj, ishte ndoshta një nga qeveritë më të dobëta në luftën kundër drogës”.