Një dokument “top-sekret” i zbuluar konfirmon si teokracia në pushtet ka shpërdoruar miliarda dollarësh për të mbështetur regjimin e diktatorit sirian Bashar-al Assad.
Një nga këto dokumente është një letër e autorit të Mohammad Mokhber, Zëvendëspresident i Ebrahim Raisi, drejtuar udhëheqësit suprem të regjimit në lidhje me marrëdhëniet e Teheranit me Damaskun. Në letrën e tij drejtuar Khameneit, Mokhber pranon se borxhet e Sirisë ndaj Iranit vetëm në sektorët civilë dhe jo të sigurisë arritën rreth 11.6 miliardë dollarë deri në vitin 2020. Ai pranon gjithashtu se shuma që Teherani donte t’i jepte Damaskut në vitin 2021 “po llogaritet”, duke sugjeruar se regjimi klerik synon të vazhdojë të shpërdorojë pasurinë kombëtare për të mbajtur në pushtet një diktator të egër. Sipas kësaj letre, “Borxhet për sigurinë dhe ushtrinë që Siria duhet t’i kthejë Iranit do të llogariten nga Forcat e Gardës Revolucionare Quds dhe do t’i shtohen kësaj liste pasi Ministria e Mbrojtjes siriane ta ratifikojë”. Me fjalë të tjera, Mokhber pranon ndërhyrjen shkatërruese të regjimit në Siri që nga fillimi i protestave në atë vend. Në një pjesë të kësaj letre, Mokhber përmend se situata aktuale e regjimit të Asadit në Siri kërkon më pak mbështetje ushtarake dhe të sigurisë nga regjimi iranian në krahasim me periudhën kur regjimi i Asadit po luftonte për mbijetesë. Vihet re gjithashtu se mercenarët e regjimit në Siri nuk kanë më të njëjtën liri veprimi si më parë, duke nënvizuar nevojën për një plan të hartuar në lidhje me këtë çështje. Për më tepër, letra thekson se nuk ka asnjë perspektivë për investim në Siri për shkak të nevojave të mëdha rindërtimi të regjimit sirian, të cilat kërkojnë burime dhe fonde që arrijnë në disa qindra miliardë dollarë.
