Friday, January 27, 2023

Protesta të vazhdueshme në qytete të ndryshme të Iranit

Tubime  proteste, qindra punëtorë të Grupit Kombëtar të çelikut në Ahvaz

Të enjten dhe të premten, më 22 dhe 23 shkurt, vazhduan në qytete të ndryshme të vendit protestat e punëtorëve dhe grupeve të tjera të privuara nga të drejtat e tyre themelore. Rinia gjithashtu shprehu zhgënjimin e saj ndaj regjimit të korruptuar dhe kriminal me aktivitete të ndryshme, duke përfshirë djegjen e flamujve me portrete të Khameneit, xhelati i popullit iranian, shpërndarjen e pamfleteve dhe shkrimin e sloganeve.

Në Mashhad, mijëra tifozë që shihnin ndeshjen e futbollit midis ekipeve të Mashhad-it dhe Esfahan-it këndonin “Nuk i duam autoritetet mizore” (23 shkurt).

Në Bandar Abbas, një grua e guximshme hodhi poshtë flamurin e Khameneit përpara gjyqësorit të regjimit në qytet (23 shkurt).

Në Mashhad, të rinjtë e guximshëm dogjën një flamur të Khameneit (22 shkurt).

Në Hoseinieh të Aramestanit në Arak, u përkujtua nga familja dhe të afërmit në ditën e 40-të të zisë Sejjid Shahab Abtahizadeh, i cili u arrestua në kryengritjen e janarit në Arak dhe vdiq nën torturat e xhelatëve të velayat-e faqih (23 shkurt).

Në Sanandaj, u mbajt në varreza një përkujtimore në ditën e 40-të të zisë për Saro Ghahremanin, një hero i ri i guximshëm, i cili u arrestua gjatë kryengritjes së janarit dhe vdiq nën turturat e xhelatëve. Inteligjenca e regjimit klerikal ushtroi shumë presion mbi familjen e dëshmorit duke pasur frikë nga zemërimi i njerëzve. Megjithatë, njerëzit përkujtuan heroin Saro me familjen dhe të afërmit e tij (22 shkurt).

Punëtorët privuar të çelikut në Ahvaz, në ditën e pestë të protestës së tyre, morën pjesë në shfaqjen e lutjeve të së premtes në qytet, duke kënduar “Një përvetësim më pak, problemi ynë zgjidhet”. Ata mbanin flamuj duke thirrur: “Oh, Imami i 12-të, çrrënjos rrënjët e shtypjes, sa durim për premtimet e paplotësuara, pagat minimale për jetesën e punëtorëve nën vijën e varfërisë” (23 shkurt).