Thursday, February 9, 2023

Medalja e Artë Ndërkombëtare e Shtëpisë së Artistëve i jepet Reza Olia-s

NCRI – Të Premten, më 13 Prill, Shtëpia italiane e Artistëve i dha Medaljen e Artë Ndërkombëtare të Artistëve z. Reza Olia, skulptor dhe artist dhe anëtar i Këshillit Kombëtar të Rezistencës së Iranit.

Në këtë ceremoni, e cila u mbajt në Amfiteatrin e Universitetit të Romës në prani të zëvendësministrit të Kulturës së Italisë dhe kryetarit dhe anëtarëve të Bordit të Drejtorëve të Shtëpisë së Artistëve, një numër personalitetesh shkencore dhe kulturore italiane , gazetarë, drejtorë dhe artistë, ishin gjithashtu të pranishëm.

Shtëpia e Artistëve të Italisë jep çmime dhe medaljen e artë të Shtëpisë së Artistëve për artistë dhe shkencëtarë të cilët përmes veprave të tyre krijuese kanë kontribuar në promovimin e kulturës dhe artit, si dhe në avancimin e shkencës.

 

Këtë vit, artisti i njohur iranian Reza Olia, u nderua me medaljen e artë për pikturat dhe skulpturat e tij të bronzit që paraqesin luftën e grave iraniane për liri dhe kundër diktatorëve fetarë që sundojnë Iranin.

Pas marrjes së dekorimit dhe medaljes së artë në Shtëpinë e Artistëve z. Reza Olia në një fjalim të shkurtër deklaroi:

Para së gjithash, do të doja të falënderoja artistët e mëdhenj të cilët më kanë ndihmuar në këtë rrugë gjatë viteve të fundit, si dhe në Shtëpinë e Artistit dhe presidentin e saj Dr Victorio Barjavani. Që kur isha student i ri në Shkollën e Arteve Dramatike në Romë, përpiqesha të përcjellja në botë vuajtjet e popullit tim dhe dëshirat e tij për liri nëpërmjet veprave të mia të artit.

Në vendin tim, Iran, për fat të keq, ka një regjim anti-art dhe anti-kulturor, dhe gjatë këtyre viteve, duke eliminuar dhe shkatërruar pasuritë e artit dhe kulturës iraniane, ka penguar progresin në vend.

Siç e dini, shumë nga veprat e mia të artit i dedikohen njerëzve  të  atdheut tim. Dhe unë jam përpjekur të theksoj lutjet për paqe dhe liri, duke shfaqur vuajtjet dhe sakrificat që janë bërë gjatë këtyre viteve.

Për fat të mirë, Italia me kulturën e saj të pasur dhe me artistë të shquar përgjatë shekujve, më ka dhënë gjithashtu bazën më të mirë për të përcjellë lutjet e popullit tim.

  1. President, padyshim ky çmim më inkurajon që të vazhdoj të ndjek punën time artistike dhe sociale, veçanërisht në paraqitjen e kulturës së vendit tim, e cila për vite me radhë është shkatërruar nga një regjim anti-kulturor.

Në fund, dëshiroj t’ia dhuroj këtë dekoratë të nderuar dhe medaljen e arit të burgosurve politikë të vendit tim, Iran.