Wednesday, February 8, 2023

Ish-Presidenti i regjimit të Iranit: Zyrtarët e lartë gjyqësorë janë të korruptuarit numër një.

NCRI – Si reagim ndaj dënimit me 15 vjet burg për zëvendësin e tij, ish-presidenti i regjimit iranian, Mahmoud Ahmadinejad, shkroi një letër duke i quajtur zyrtarët e lartë të gjyqësorit ” të akuzuarit numri një për korrupsion”.

Një ditë pasi Hamid Baqaei, zëvendësi i Ahmadinexhadit, u fut në burg, një letër e datës 14 mars 2018, u botua në faqen e internetit  Dowlat Bahar në të cilën Ahmadinejad sulmoi gjyqësorin me sulme të ashpra në një grindje fraksionesh.

Ahmadinexhad tha se Sadeq Larijanit, kreut të gjyqësorit, “i mungon kompetenca ligjore” dhe shtoi se gjyqësori nën kontrollin e tij ” praktikisht ka eliminuar pavarësinë e gjyqtarëve “.

“Zyrtarët e lartë të gjyqësorit, me perspektiva politike, i shkelin hapur të gjitha ligjet dhe madje edhe rregullat që ata kanë vendosur dhe haptazi abdikojnë nderin gjyqësor dhe mbi atë dinjitetin njerëzor”, shkruan Ahmadinexhad, duke shtuar: “Ndërkohë që ata vetë janë të akuzuarit e parë për korrupsion, pretendojnë se luftojnë korrupsionin “.

Ai shtoi se gjyqësori është “në gjendjen më të keqe historike” dhe zyrtarët e kësaj dege të pushtetit “me motive politike i kundërvihen lehtë kujtdo që shqetëson interesat e tyre të paligjshme” dhe “nuk ka asnjë burim apo referencë për njerëzit që të ankohen për padrejtësitë dhe shtypjen”.

Hamid Baghei, i cili përballet me akuza financiare gjatë qëndrimit të tij në administratën e Mahmoud Ahmadinejadit, është dënuar me 15 vjet burg, 43 miliardë Toman gjobë në kesh dhe fshikullime. Akuzat kundër tij përfshijnë konfiskim të paautorizuar, përvetësim dhe konspiracion në transaksionet qeveritare.

Ahmadinexhad vazhdon të pranojë në letrën e tij se”elementët drejtues të qeverisë, në vend që të mbrojnë të drejtat e popullit dhe përpjekjet për të çuar përpara vendin, kërkojnë të zhvillojnë dhe konsolidojnë dominimin e tyre mbi vendin dhe popullin dhe pasuritë dhe burimet e kombit . Në këtë pikë, e majta dhe e djathta, dhe të gjitha fraksionet janë aleatë, partnerë dhe të lidhur. “

Pak kohë më parë, Mahmud Ahmadinexhad, në një letër drejtuar kreut të regjimit, Ali Khamenei, kërkoi heqjen e kreut të gjyqësorit dhe “mbajtjen e zgjedhjeve të menjëhershme dhe të lira” në vend, pa “ndërhyrjen e organeve të zbatimit të ligjit” dhe “makinacioneve të Këshillit  Ruajtës”.