E mërkurë, 01 shkurt 2017
Washington (CNN): Këshilltar i sigurisë kombëtare të Shteteve të Bashkuara, Michael Flynn, dënoi provën e fundit të Iranit të lëshimit së raketave balistike të bërë të mërkurën, duke e quajtur atë shkelje “provokuese” të një rezolute të Këshillit të Sigurimit të OKB-së.
Flynn e konsideroi lëshimin si të fundit të një serie lëvizjesh provokative nga ana e Iranit që kanë përfshirë mbështetjen e rebelëve Houthi në Jemen, të cilët kanë sulmuar aleatët amerikanë. “Që sot, paralajmërojmë Iranin zyrtarisht “, tha Flynn nga salla e mbledhjeve të Shtëpisë së Bardhë.
Ministria e jashtme e Iranit këmbënguli të martën se prova e raketave e të dielës ishte “vetëm për qëllime mbrojtëse,” dhe jo shkelje e rezolutës së Këshillit të Sigurimit të OKB-së e cila e ndalon Iranin të bëjë prova me “raketa balistike të dizenjuara për të prodhuar armë bërthamore.”
Rezoluta e Këshillit të Sigurimit të OKB-së nuk është pjesë e marrëveshjes bërthamor të Iranit, por një rezolutë të veçantë të Këshillit të Sigurimit.
Flynn nuk përmendi se SHBA do të ndërmarrë veprime konkrete, qoftë ushtarake apo diplomatike, për të kundërshtuar atë që ai e përshkroi si “veprim provokues” të Iranit.
Ai gjithashtu kritikoi administratën e Obamës që “nuk i është përgjigjur ashtu siç duhet veprimeve të dëmshme të Iranit.”
Flynn shtoi se veprimet e Iranit kërcënojnë stabilitetin në rajon dhe vënë në rrezik jetën e amerikanëve, dhe tha se Irani ka marrë “në paralajmërim.”
