Në trazirat politike pas rrëzimit të helikopterit që mori jetën e zyrtarëve të lartë iranianë, të gjithë treguesit zbulojnë se prioriteti kryesor i liderit suprem Ali Khamenei është të demonstrojë stabilitet dhe të lehtësojë shqetësimet në rritje midis forcave të brendshme dhe aleatëve të huaj. Një ditë përpara se Teherani të shpallte vdekjen e presidentit të tij Ebrahim Raisi dhe disa zyrtarëve të lartë, Khamenei, edhe para se trupi i Raisit të gjendej, siguroi kombin, duke thënë: “Populli iranian nuk duhet të shqetësohet; nuk do të ketë përçarje në punët e vendit.”
Pavarësisht prishjes së projektit të tij dhjetëvjeçar, Khamenei u përmbajt nga vajtimi në arkivolet e zyrtarëve të rangut të lartë. E qara e tij për Qassem Soleimani në Televizioni shtetëror në vitin 2020 rezultoi në talljen e tij dhe një projeksion dobësie. Këtë herë, ai u përpoq të ruante qetësinë dhe urdhëroi përgatitjen e shpejtë për zgjedhjet e ardhshme presidenciale.