Saturday, November 26, 2022

Presidenti i Regjimit Paralajmëron për MEK-un

Në një takim me zyrtarë të gjyqësorit, presidenti i regjimit Ebrahim Raisi përsëriti ankesat e Teheranit për Organizatën Muxhahedin-e-Khalq dhe paralajmëroi forcat e rendit të jenë të vetëdijshëm për infiltrimin në institucionet shtetërore.

“Grupi i hipokritëve (përshkrimi i regjimit për MEK-un) do të jetë i mallkuar përjetësisht, sepse kudo që keni parë të keqen dhe kryengritjen në vend në 40 vitet e fundit, ka patur një gjurmë të hipokritëve,” tha Raisi. “Nuk ka patur asnjë lëvizje apo veprim kundër këtij revolucioni ku kanë munguar hipokritët. Me mbështetjen e fuqive dominuese (një nga termat e regjimit për t’iu referuar Perëndimit), hipokritët janë përpjekur gjithmonë të vazhdojnë me veprimet e tyre të liga.”

Ish-kreu i drejtësisë shtoi: “Luftimi i infiltrimit është detyra kryesore e forcave revolucionare. Forcat revolucionare duhet të jenë të kujdesshme në mënyrë që ata që tentojnë të infiltrohen në sistemin tonë të mos mund të ndjekin qëllimet e tyre të liga në këtë vend. Sot, detyra kryesore e forcave revolucionare është të luftojnë infiltrimin.”