Në pjesëmarrjen e tij në tubimin e mbështetësve të Rezistencës Iraniane në Mynih më 17 shkurt, ish-ministri gjerman i Mbrojtjes Dr. Franz-Josef Jung përqafoi aktivizmin dhe përpjekjet e pjesëmarrësve të tubimit dhe kritikoi organizatorët e Konferencës së Sigurisë së Mynihut për ftesën e pasardhësve të ish-diktatorit.
Në fjalën e tij, z. Jung diskutoi rreth protestave të vazhdueshme në Iran, të cilat po zhvillohen prej pesë muajsh, dhe dëshirën e popullit iranian për liri, demokraci, sundim të ligjit dhe për të drejtat e njeriut. Ai vuri në dukje se regjimi iranian është përjashtuar nga konferenca e sivjetshme ndër të tjera për shkak të protestave, por e quajti ftesën e Reza Pahlavit një vendim të gabuar. Ish-ministri gjerman i Mbrojtjes argumentoi se pa një dënim të qartë të veprimeve të së kaluarës të dinastisë Pahlavi, Reza Pahlavi nuk duhet të marrë pjesë në konferencë. Folësi shprehu gjithashtu mbështetjen për planin prej 10 pikash të Presidentes së zgjedhur të NCRI, znj. Maryam Rajavi, për demokracinë në Iran dhe deklaroi se ai i përkrah me vendosmëri këto vlera.
Më poshtë vijojnë komentet e ish ministrit gjerman të mbrojtjes, Dr. Franz-Josef Jung
Përshëndes të gjithë pjesëmarrësit këtu në Mynih, të cilët janë kundër regjimit klerikal në Iran. Konferenca e sigurisë për strategjinë globale të sigurisë po zhvillohet sot këtu. Pjesëmarrës janë politikanë të rangut të lartë, përfaqësues të biznesit dhe shoqërisë si dhe Zëvendës Presidenti Amerikan.
Irani ka qenë temë e kësaj konference për shumë vite, veçanërisht çështja e armëve bërthamore. Por edhe shtypja e dhunshme e protestave në Iran. Përmes protestave që kanë zgjatur 5 muaj, populli iranian e ka bërë të qartë se nuk dëshiron asnjë formë diktature në Iran.
Këtu përfshihet edhe diktatura e Shahut, e cila përfundoi në vitin 1979. Fatkeqësisht, ajo u pasua nga diktatura e mullahëve, të cilët kanë shtypur brutalisht popullin iranian për 44 vjet.
Kryengritja mbarëkombëtare e popullit iranian për 5 muaj ka bërë që të ketë një rishikim në Konferencën e Sigurisë së Mynihut. Regjimi iranian nuk është ftuar të marrë pjesë në eventin e këtij viti. Kjo lëvizje është mirëpritur ngrohtësisht nga Rezistenca Iraniane.
Rezistenca, megjithatë, kundërshton ftesën e djalit të Shahut, Reza Pahlavi, për konferencën e këtij viti. Ata e shohin këtë si një fyerje për protestuesit që kanë 5 muaj që rrezikojnë jetën e tyre në rrugët e Iranit.
Dinastia Pahlavi erdhi në pushtet me një grusht shteti dhe është përgjegjëse për masakra të shumta në të gjithë Iranin.
Pa një dënim dhe distancim të qartë nga kjo diktaturë, Reza Pahlavi nuk duhet të marrë pjesë në Konferencën e Sigurisë së Mynihut. Për më tepër, Reza Pahlavi ka konfirmuar vazhdimisht se ai ka nevojë për Gardën Revolucionare Islamike dhe forcat militare Basij për të siguruar pretendimin e tij për pushtet.
IRGC është përgjegjëse për shtypjen brutale ndaj kryengritjes së Iranit dhe është në listën e organizatave terroriste të Shteteve të Bashkuara. Ata janë faktori kryesor në vdekjen e qindra burrave, grave dhe fëmijëve. Ky nuk mund të jetë fillimi i ri në Iran.
Irani ka nevojë për liri, demokraci, sundim të ligjit dhe për të drejtat e njeriut.
Kjo përfshin planin prej 10 pikash të zonjës Maryam Rajavi që është alternativa demokratike. Unë qëndroj me vendosmëri pranë jush për këto vlera dhe ju uroj gjithë të mirat.
