Në Nderim të Heronjve të Rënë të Masakrës së 1988-ës
Të mërkurën, më 31 gusht, në nderim të dëshmorëve të masakrës së vitit 1988 në Iran, komuniteti iraniano-kanadez dhe familjet e viktimave të regjimit iranian, mbështetës të Këshillit Kombëtar të Rezistencës së Iranit (NCRI), mbajtën një tubim në Queen’s Park, Toronto.
Vendosur me një mocion unanim parlamentar kanadez në vitin 2013, 1 shtatori është quajtur “Dita e Solidaritetit me të Burgosurit Politikë iranianë”, duke njohur krimet e kryera nga regjimi iranian kundër njerëzimit dhe masakrën ndaj 30,000 të burgosurve politikë në vitin 1988 në Iran.
Në Queen’s Park u mbajt gjithashtu një ekspozitë e madhe, që shfaqte shkeljet e rënda të të drejtave të njeriut në Iran, veçanërisht masakrën e vitit 1988 ndaj të burgosurve politikë dhe mizoritë e tjera të kryera nga elita që sundon në Teheran.
Duke iu referuar Asamblesë së Përgjithshme të Kombeve të Bashkuara në shtator në Nju Jork, komuniteti iraniano-kanadez kërkoi që presidenti i regjimit iranian Ebrahim Raisi të mos lejohet të marrë pjesë dhe të mos i jepet legjitimitet dhe vëmendje ndërkombëtare.
Duke iu drejtuar komunitetit iraniano-kanadez në këtë event, anëtarja e parlamentit kanadez për Thornhill, Melissa Lantsman, tha: “Ne kurrë nuk do t’i harrojmë këta shpirtra të guximshëm, as kauzat për të cilat ata dhanë jetën. Dhe kjo masakër e tmerrshme nuk ka ndodhur vetëm në të kaluarën, ajo vazhdon të ndodhë edhe sot. Nën regjimin aktual, janë ekzekutuar 582 persona, përfshirë gra dhe fëmijë. Historitë e tmerrshme të torturave janë shumë të zakonshme dhe ato vazhdojnë tani në një komb ku liritë themelore janë në rrezik prej më shumë se 40 vjetësh. Ne vazhdojmë të shohim rozion të mëtejshëm të të drejtave të njeriut, të drejtësisë, të sundimit të ligjit dhe gjithçkaje që ne e çmojmë fort këtu në Kanada”.