Të dielën, më 5 qershor 2022, Maryam Rajavi u takua dhe zhvilloi bisedime në Ashraf 3 me znj. Kira Rudik, deputete, kryetare e Partisë Zëri të Ukrainës dhe Zëvendës Presidente e Aleancës së Liberalëve dhe Demokratëve për Evropën (ALDE) .
Zonja Rudik vlerësoi këmbënguljen e Rezistencës Iraniane për më shumë se katër dekada kundër tiranisë fetare të Iranit. Ajo tha: Është një nder të takohem me ju dhe të njihem me ata që e kanë vazhduar këtë betejë të vështirë gjatë shumë viteve dhe që janë bërë simbol për popullin e Iranit.
Duke vënë në dukje të përbashkëtat me rezistencën për liri dhe pavarësi, ajo tha: Ashtu si Organizata e Muxhahedinëve të Popullit të Iranit, ne po luftojmë për liri dhe pavarësi dhe për një vend demokratik. Skenat e krimeve çnjerëzore në Bucha janë të ngjashme me pamjet e masakrës ndaj anëtarëve të PMOI/MEK në Ashraf, të cilat më prekën shumë. Dhimbja dhe vuajtja që PMOI ka duruar gjatë 40 viteve të fundit më motivojnë të vazhdoj luftën dhe aktivitetet e mia më shumë se kurrë.
Maryam Rajavi i uroi mirëseardhjen zonjës Rudik dhe nënvizoi mbështetjen dhe solidaritetin e popullit iranian dhe rezistencës ndaj popullit të Ukrainës. Ajo shtoi: Populli në Iran ndjen solidaritet të madh ndaj jush. Populli dhe Rezistenca iraniane vuajnë nga dhimbjet dhe vuajtjet tuaja dhe e admirojnë rezistencën dhe përparimin tuaj. Zonja Rajavi vlerësoi rolin unik të grave në luftën e Ukrainës. Ajo shtoi: Unë kam besim se me gra gtë forta si ju, Rezistenca e Ukrainës do të jetë këmbëngulëse, historike dhe e pathyeshme.
Zonja Rudik i dhuroi Maryam Rajavit një punim artizanal të bërë nga gratë e Rezistencës Ukrainase si një mesazh rezistence. Maryam Rajavi gjithashtu i dhuroi zonjës Rudik dhe përfaqësuesve të zgjedhur të popullit ukrainas në parlament, një pllakë të Rezistencës dhe listën e 20,000 dëshmorëve të PMOI-së.
https://www.maryam-rajavi.com/en/kira-rudik-parliament-ukraine-ashraf3-iran/