Sunday, January 29, 2023

Këshilli Kombëtar i Rezistencës së Iranit (NCRI) Zhvillon Seancën e Tij Bienale

Këshilli Kombëtar i Rezistencës së Iranit (NCRI) mbajti seancën e tij të radhës, që mbahet çdo dy vjet, në Paris më 27 dhe 28 dhjetor 2021. Znj. Maryam Rajavi, Presidentja e zgjedhur e NCRI, kryesoi seancën.

Për shkak të pandemisë së Koronavirusit, anulimeve të fluturimeve dhe kufizimeve të tjera mbrojtëse të vendosura për të parandaluar përhapjen e shpejtë të variantit Omicron, anëtarët e NCRI në shtete të ndryshme dhe në Ashraf 3 të Shqipërisë morën pjesë virtualisht në këtë seancë.

Në ditën e parë të takimit ishin të pranishëm si vëzhgues një numër mbështetësish dhe aleatësh të NCRI-së, disa prej të cilëve folën gjatë takimit.

Në fjalën e saj të hapjes së seancës së NCRI-së, zonja Rajavi tha se lideri suprem i regjimit Ali Khamenei vendosi Ebrahim Raisi-n, ekzekutuesin e masakrës së 1988-ës, si president (në 2021-in) dhe më pas intensifikoi represionin, arrestimet, ekzekutimet dhe presionin mbi të burgosurit politikë.

Megjithatë, pavarësisht sfidave ekstreme dhe ndikimeve të rënda të fatkeqësisë së Koronavirus tek populli iranian gjatë vitit të kaluar, çdo katër muaj në Iran ka shpërthyer një kryengritje e madhe, duke sinjalizuar një rrymë të fuqishme që nxit një forcë të madhe dhe të organizuar rebele. kështu, arrestimet e shumta dhe të pashpallura, rrëfimet e detyruara të marra nën tortura dhe fushatat demonizuese kundër Mujahedin-e Khalq (MEK/PMOI) dhe NCRI – si e vetmja alternativë demokratike dhe e pavarur – kanë rezultuar të paefektshme dhe të kota.

Përsa i përket Lëvizjes për Drejtësi (për viktimat e masakrës së 1988-ës), zonja Rajavi tha: Sipas librit me titull “Krimi kundër njerëzimit”, masakra e të burgosurve politikë ka ndodhur në të paktën 110 qytete të Iranit dhe emrat e 35 anëtarëve të Komiteteve të Vdekjes, të cilët ishin përgjegjës për masakrën në krahina të ndryshme, janë zbuluar dhe publikuar. Lëvizja për Drejtësi do të vazhdojë aktivitetin e saj derisa të zbardhet e vërteta për të gjitha masakrat në të gjithë Iranin dhe të gjithë zyrtarët dhe autorët e këtij gjenocidi dhe krimi të madh të ekspozohen dhe të dalin para drejtësisë në gjykatat e popullit iranian në vendin tonë.

Gjatë gjyqit të Hamid Noury-t, një prej lakejve të masakrës së 1988-ës, që filloi në gusht 2021 në një Gjykatë Suedeze, të gjithë e dëgjuan sesi i akuzuari deklaroi qartë se nëse nuk i referohej MEK-ut duke përdorur epitetet poshtërues “hipokritë” ose “sekt”, ai do të arrestohej dhe dënohej nga regjimi me të mbërritur në vend.

Kjo e bëri të qartë se edhe shqiptimi i emrit zyrtar të MEK-ut është vija e kuqe më e pakapërcyeshme e regjimit. kështu, përdorimi i etiketave si “sekt” dhe “hipokritë” nga kushdo për t’iu referuar MEK-ut do të ishte një tregues i unitetit dhe afërsisë të atij personi me regjimin. Gjatë proceseve gjyqësore suedeze, regjimi dhe agjentët e tij bënë të pamundurën për të shtrembëruar imazhin e MEK-ut, shtoi zonja Rajavi.