Znj. Maryam Rajavi: Jo Sistemit Velayat-e-Faqih, Po një Republike Demokratike dhe Laike të Bazuar në Votën e Popullit
Me rastin e përvjetorit të prezantimit të zonjës Maryam Rajavi si Presidente e zgjedhur e Këshillit Kombëtar të Rezistencës së Iranit (NCRI) për periudhën e tranzicionit, Njësitë e Rezistencës dhe mbështetësit e Mujahedin-e Khalq (MEK/PMOI) kanë ndërmarrë një fushatë mbarëkombëtare gjatë të cilës kanë shprehur mbështetjen e tyre për zonjën Rajavi dhe planin e saj me 10 pika për një republikë demokratike të bazuar në ndarjen e fesë nga shteti, gjë që garanton liri dhe barazi për të gjithë sektorët e shoqërisë.
Gjatë fushatës janë vendosur postera e afishe, janë shkruar sllogane në vende publike dhe janë shpërndarë fletëpalosje në qytete të ndryshme të Iranit. Kjo fushatë, e zhvilluar mes një atmosfere të dendur sigurie, është mirëpritur nga populli.
Në posterat dhe afishet e vendosura nëpër autostradat e metropoleve të Iranit shkruhej: “Maryam Rajavi: “Përmbysja e regjimit është e pashmangshme. Irani do të çlirohet,” “Maryam Rajavi: Irani i të nesërmes do të jetë një vend ku respektohen të drejtat e njeriut,”, “Maryam Rajavi: Jo mbulimit të detyrueshëm, jo fesë së detyrueshme, jo diktaturës,” “Maryam Rajavi: Ka ardhur koha që Irani të çlirohet nga pushtimi i mullahëve.”
