Sunday, February 5, 2023

Thirrje për t’i Shpëtuar Jetën të Burgosurit Politik Arzhang Davoodi

 

Rezistenca Iraniane bën thirrje për një hetim të menjëhershëm lidhur me gjendjen kritike të shëndetit të të burgosurit politik Arzhang Davoodi, i cili po mbahet në burgim të izoluar në burgun Zabul, dhe nxit përfaqësuesin e OKB-së dhe të Këshillit të të Drejtave të Njeriut që të takohet me të.

Arzhang Davoodi, 67 vjeç, ka qenë në burg për 17 vite që në vitin 2003, për akuza të fabrikuara, të tilla si “ofendim ndaj Khamenei-t,” dhe është në një gjendje kritike shëndetësore. Ithtarët e regjimit kanë ndërmend ta torturojnë deri në vdekje për shkak të rezistencës dhe qëndresës së tij të vazhdueshme. Fillimisht, atë e kishin dënuar me 15 vite burg dhe pesë vite privim nga të drejtat shoqërore dhe deportim në burgjet e Iranit jugor. Më pas e kanë transferuar në burgun Zabol. Kur i mbaroi dënimi, dosja e tij u rihap dhe ai u dënua me pesë vite të tjera burg, i akuzuar për mbështetje ndaj Organizatës Muxhahedine të Popullit të Iranit (PMOI/MEK).