Thursday, February 9, 2023

Shtohen Thirrjet Ndërkombëtare për Hetimin e Masakrës së 1988-ës në Iran

Grupi i Punës i OKB për Zhdukjet me Forcë i është bashkuar thirrjes për një hetim ndërkombëtar mbi masakrën e 1988-ës.  

Grupi i Punës përsërit shqetësimet e shprehura lidhur me fshehjen e vazhdueshme të vendvarrimeve të personave që janë zhdukur me forcë dhe që supozohet se janë ekzekutuar midis korrikut dhe shtatorit të 1988-ës anembanë vendit. Grupi i Punës rikujton se një zhdukje me forcë vazhdon deri në momentin e zbulimit të fatit dhe vendndodhjas së individëve për të cilët bëhet fjalë, dhe i bashkohet thirrjes për një hetim ndërkombëtar mbi këtë çështje,” lexon raporti.

Gjatë verës së 1988-ës u ekzekutuan mbi 30,000 të burgosur politikë. Shumica e viktimave ishin anëtarë dhe mbështetës të Organizatës Muxhahedine të Popullit të Iranit (PMOI/MEK).

Kohët e fundit, Rezistenca Iraniane ka zhvilluar një konferencë që solli në vëmendje detajet e kësaj masakre të rrëfyera nga të mbijetuarit e saj, si dhe çështjet ligjore të lidhura me të.