Numri i ekzekutimeve të regjistruara në tetor 2024 arriti në 170, një rritje prej 85 për qind krahasuar me vitin e kaluar.
Të enjten, më 31 tetor, xhelatët e Khameneit varën pesë të burgosur: Hamed Dovisti dhe Reza Bidabadi në Isfahan, Vahid Binami në Naqadeh, Hassan Ekhlasi në Zahedan dhe Abolfazl Shahbazi në Tabriz.
Të mërkurën, më 30 tetor, pesë të burgosur të tjerë—Abdollah Taxhik, Mostafa Gholamzadeh, Mohammad Jalali, Saman Anbori në burgun Qezelhessar dhe Ahmad Salari në Jiroft—u ekzekutuan.
Të martën, më 29 tetor, Sardar Safarpour në Ahvaz, Mohammad Nedaei dhe Akbar Khorram-Taj në Karaj, dhe Ali Mostafavi dhe Hossein-Ali Maleki në Qom u dërguan në trekëmbësh.
Të hënën, më 28 tetor, u ekzekutuan dhjetë të burgosur, me tetë të emëruar më parë. Dy të burgosur të tjerë, Amir Jahandar, 40 vjeç dhe Kourosh Salehian, 27 vjeç, u varën në burgun e Isfahanit.
Kështu, numri i përgjithshëm i të burgosurve të ekzekutuar mes 28 dhe 31 tetorit arriti në 25. Ekzekutimet e regjistruara në tetor 2024 kanë shkuar në 170, një numër i paprecedentë në vitet e fundit, duke shënuar një rritje prej 85 për qind krahasuar me tetorin 2023, kur u regjistruan 92 ekzekutime.
Të dielën, më 3 nëntor, në Arak u var një i burgosur i quajtur Ashkan Askari, 29 vjeç, ndërsa më 2 nëntor në burgun e Ahvazit, Gholamali Shakerian. Të shtunën, më 26 tetor, një i burgosur u ekzekutua në Zanjan dhe një tjetër në Teheran.
Nëpërmjet torturave të intensifikuara, ekzekutimeve, diskriminimit dhe represionit brutal kundër grave, Ali Khamenei kërkon të shtypë kryengritjen e popullit dhe të parandalojë rënien e pashmangshme të regjimit të urryer dhe në rrënim të velayat-e faqih (sundimit të juristit). Megjithatë, këto krime të tmerrshme vetëm sa nxisin zemërimin e popullit, duke forcuar vendosmërinë e iranianëve, veçanërisht të të rinjve, për të rrëzuar këtë regjim dhe për të vendosur demokracinë dhe sovranitetin popullor.
